ముద్దుగుమ్మ రకుల్‌ ప్రీత్‌ సింగ్‌ అతి తక్కువ కాలంలోనే స్టార్‌ ఇమేజ్‌ని సొంతం చేసుకున్న హీరోయిన్‌. దీనికంతటికీ కారణం ఆమె అందరితో కలసి పోయే మనస్తత్వమే అనే సంగతి తెలిసిందే. ఇండస్ట్రీలో అంతా మాట్లాడుకునే సాధారణ మాటే ఇది. అలాగే రకుల్‌ వరుసపెట్టి ఇన్ని సినిమాలు చేస్తూండడానికి కారణం ఏంటో తెలుసా. ఆమెకు స్టోరీలు వినడం అంటే చాలా ఇష్టమట. అందుకే తన దగ్గరికి కథ చెబుతానని వచ్చిన ఏ డైరెక్టర్నీ రకుల్‌ డిజప్పాయింట్‌ చెయ్యదంట. చాలా రెస్పాన్సిబుల్‌గా స్టోరీ వింటుందట. అందుకే ఆమెకి ఇన్ని సినిమాలతో ఎప్పుడూ బిజీగా ఉంటానంటోంది ముద్దుగుమ్మ రకుల్‌. అలాగే తను విన్న కథల్లో హీరో ఎవరనేది ముందుగా ఆలోచించదట రకుల్‌. కథనే నమ్ముతుందట. అంతే అంతకన్నా కథల్ని ఎంచుకునేంత గొప్ప టాలెంట్‌ తనకి లేదంటోంది. ఈ కారణంతోనే రకుల్‌ స్టార్‌ హీరోయిన్‌ మార్క్‌ సాధించినా కానీ, బెల్లంకొండ శ్రీనివాస్‌, సాయి ధరమ్‌ తేజ్‌ వంటి చిన్న హీరోలతో కూడా నటించడానికి రెడీ అయ్యింది. అందుకే ఏకకాలంలో యంగ్‌ హీరోస్‌తోనూ, స్టార్‌ హీరోస్‌తోనూ కూడా నటించే క్రెడిట్‌ ఉన్న హీరోయిన్‌గా రకుల్‌కి ప్రశంసలు దక్కుతున్నాయి. ప్రశంసలతో పాటు సక్సెస్‌ కూడా ఆమెనే వరిస్తోంది. ప్రస్తుతం రకుల్‌ చేతిలో నాలుగు సినిమాలున్నాయి. అలాగే తమిళంలో కూడా త్వరలో కాలు మోపనుంది స్మైలీ బ్యూటీ రకుల్‌.