రామారావు - రామ్ చ‌ర‌ణ్ - రాజమౌళి... వీళ్ల కాంబోలో వ‌స్తున్న సినిమా కాబ‌ట్టి దీనికి RRR అని పేరు పెట్టారు. ఇప్పుడు మ‌రో ఆర్ కూడా వీళ్ల‌తో జ‌త క‌ట్ట‌డానికి రెడీ అయ్యింది. త‌నే రకుల్ ప్రీత్ సింగ్‌. రాజమౌళి - RRR లో ఓ ప్ర‌త్యేక గీతం ఉండ‌బోతోంద‌ని ముందు నుంచీ ప్ర‌చారం జ‌రుగుతోంది. ఆ పాట కోసం చాలామంది క‌థానాయిక‌ల పేర్లు ప‌రిశీలించారు. చివ‌రికి రకుల్ కి ఫిక్స‌యిన‌ట్టు తెలుస్తోంది.
భార‌తీయుడు 2లో కూడా రకుల్ ఓ కీల‌క‌మైన పాత్ర పోషిస్తున్న సంగ‌తి తెలిసిందే. RRR కూడా సెట్ట‌యిపోతే.... రకుల్ జాక్ పాట్ కొట్టేసిన‌ట్టే. ఎందుకంటే ఈ అవ‌కాశం కోసం చాలామంది ఎదురుచూస్తున్నారు. బాలీవుడ్ నుంచే మ‌రో భామ‌ని తీసుకొస్తార‌ని భావించారు. చివ‌రికి రకుల్ ద‌గ్గ‌ర బండి ఆగింది. ప్ర‌త్యేక గీతాల్లో రకుల్ ఇది వ‌ర‌కెప్పుడూ క‌నిపించ‌లేదు. ఇదే త‌న తొలి ప్ర‌య‌త్నం అవ్వ‌బోతోంది.
