ఒకప్పుడు కుర్రహీరోలందరికీ బెస్ట్‌ ఆప్షన్‌గా ఉన్న రకుల్‌ ప్రీత్‌సింగ్‌ ఇప్పుడు రూటు మార్చేసింది. ముదురు రొమాన్స్‌కి సై అంటోంది. బాలీవుడ్‌లో రకుల్‌ 'దేదే ప్యార్‌ దే' సినిమాలో నటిస్తున్న సంగతి తెలిసిందే. అజయ్‌దేవగణ్‌ ఈ సినిమాలో హీరోగా నటిస్తున్నాడు. అయితే అజయ్‌దేవగణ్‌ సినిమాలో హాఫ్‌ సెంచరీ ఏజ్‌ ఉన్న వ్యక్తిగా నటిస్తే, ఆయనతో రొమాన్స్‌ చేసే కుర్ర లవర్‌గా రకుల్‌ నటిస్తోంది. 

ఇంత ఏజ్‌ గ్యాప్‌ ఉన్న వ్యక్తితో రకుల్‌ చేసే రొమాన్స్‌ కాస్త ఇబ్బందికరంగా ఉన్నా, ఈ సినిమాపైనే రకుల్‌ గంపెడు ఆశలు పెట్టుకుంది. ఎలాగైనా ఈ సినిమాతో హిట్‌ కొట్టాలని కసిగా ఉంది. ఇక సినిమాలో రకుల్‌ పాత్రను చాలా హాట్‌గా డిజైన్‌ చేశారు డైరెక్టర్‌. లేటెస్ట్‌గా ఈ సినిమా నుండి విడుదలైన ఓ పార్టీ సాంగ్‌కి సంబంధించిన స్టిల్స్‌లో రకుల్‌ గ్లామర్‌ కాక పుట్టిస్తోంది.

లైట్‌ పింక్‌ కలర్‌ డిజైనర్‌ బ్రాలో రకుల్‌ అందాలతో కవ్విస్తోంది. ఆ పక్కనే ఆమె ఏజ్డ్‌ లవర్‌ అజయ్‌దేవగన్‌ కూడా ఉన్నాడు. ఇదిలా ఉంటే, ఇటు టాలీవుడ్‌ విషయానికి వస్తే, రకుల్‌ 'మన్మధుడు 2'లో నటిస్తున్న సంగతి తెలిసిందే. ఇక్కడ కూడా రకుల్‌ సీనియర్‌ హీరో నాగార్జునతో జత కడుతుండడం విశేషం.