ముద్దుగుమ్మ రకుల్‌ ప్రీత్‌ సింగ్‌కి సాహసాలంటే చాలా ఇష్టం. అందులో భాగంగానే ఈ రిక్షా తొక్కుడు ప్రయత్నం అనుకుంటున్నారా? అది కాదులెండి. ఓ సినిమాకి సంబంధించి రకుల్‌ ప్రీత్‌ సింగ్‌ ఈ రిక్షా వాలా గెటప్‌ వేసింది. పరికిణీ, జాకెట్టులో రకుల్‌ నవ్వులు చిందిస్తూ రిక్షా తొక్కుతుంటే మరింత క్యూట్‌గా కనిపిస్తోంది కదా. తమిళంలో ఈ ముద్దుగుమ్మ ఓ సినిఆమలో నటిస్తోంది. కార్తి హీరోగా తెరకెక్కుతోన్న ఆ సినిమా కోసమే రకుల్‌ ఇలా రిక్షా తొక్కుతూ కెమెరాకి పోజిచ్చింది. ఆ సినిమాలో ఓ సీన్‌ కోసం రకుల్‌ ప్రీత్‌ సింగ్‌ రిక్షా తొక్కాల్సి వచ్చిందట. అందుకోసం ఇలా రకుల్‌ పుదుచ్చేరి వీధుల్లో రిక్షా తొక్కడం నేర్చుకుందట. 'థీరన్‌ అధికరం ఒండ్రు' అనే సినిమాలో కార్తీ, రకుల్‌ జంటగా నటిస్తున్నారు. ఇదిలా ఉండగా రకుల్‌ ప్రీత్‌ సింగ్‌ బాలీవుడ్‌లో 'అయారి' సినిమాలో నటిస్తోంది. సిద్దార్ద్‌ మల్హోత్రా ఈ సినిమాలో హీరో. కాగా తెలుగులో అయితే రకుల్‌ సూపర్‌ బిజీ. మొన్నీమధ్యనే నాగ చైతన్యతో 'రారండోయ్‌ వేడుక చూద్దాం' సినిమాతో మన ముందుకు వచ్చింది. త్వరలోనే బెల్లంకొండ సాయి శ్రీనివాస్‌తో 'జయ జానకి నాయకా' సినిమాతో రాబోతోంది. ఈ సినిమా ఆగష్టు 11న ప్రేక్షకుల ముందుకు రానుంది. ఇదే కాక తమిళ, తెలుగు భాషల్లో రూపొందుతోన్న మహేష్‌బాబు సినిమా 'స్పైడర్‌' కూడా విడుదలకు సిద్ధంగా ఉంది. ఈ సినిమా సెప్టెంబర్‌లో విడుదలయ్యే అవకాశాలున్నాయి. తమిళ, తెలుగు, హిందీల్లో మరిన్ని బిగ్‌ ప్రాజెక్టులు రకుల్‌ చేతిలో ఉన్నాయి. ప్రస్తుతం బిజీ బిజీగా రిక్షా తొక్కడం నేర్చేసుకుంటున్న ఈ బ్యూటీ కెరీర్‌లోనూ సో బిజీ సుమీ!
