కమెడియన్‌గా సప్తగిరి అంటే ఇండస్ట్రీతో పాటు ఆడియన్స్‌కీ ఎంతో అభిమానం. మన ఈ అభిమాన కమెడియన్‌కి మెగా ఫ్యామిలీ అంటే ఎంతో అభిమానం. చిరంజీవికి వీరభిమాని అట సప్తగిరి. అలాగే తన తొలి సినిమా 'సప్తగిరి ఎక్స్‌ప్రెస్‌' ఆడియో ఫంక్షన్‌కి పవన్‌ కళ్యాన్‌ ఛీఫ్‌ గెస్ట్‌గా విచ్చేసి, తన సపోర్ట్‌ అందించాడు. అలాగే ఇప్పుడు రెండో సినిమా 'సప్తగిరి ఎల్‌ ఎల్‌ బి' తెరకెక్కుతోంది. చరణ్‌ లక్కాకుల ఈ సినిమాకి దర్శకత్వం వహించారు. రవికిరణ్‌ నిర్మాణ బాధ్యత వహించారు. 

తాజాగా ఈ చిత్రం ట్రైలర్‌ని మెగా పవర్‌ స్టార్‌ రామ్‌ చరణ్‌ చేతుల మీదుగా లాంఛ్‌ చేశారు. ఈ సందర్భంగా సప్తగిరి చాలా మెచ్యూర్డ్‌ కమెడియన్‌. ఆయన కామెడీ అంటే తనకెంతో ఇష్టమనీ, సినిమాలో సప్తగిరి డాన్సులు బాగా చేశాడనీ, ట్రైలర్‌ చాలా బాగుందనీ, హీరోగా ఈ సినిమా ఆయనకి మంచి విజయం సాధించాలని కోరకుంటున్నాననీ చరణ్‌ చెప్పారు. మెగా ఫ్యామిలీకి వీరభిమానిని అయిన నేను హీరోగా ఎదగడానికి ఆ ఫ్యామిలీ నాకందిస్తున్న ఈ సపోర్ట్‌కి జీవితాంతం రుణపడి ఉంటాననీ, సప్తగిరి అన్నారు. అలాగే మెగా ఫ్యామిలీ నమ్మకాన్ని గెలుచుకునేలా మా ఈ సినిమా ఉండబోతోందనీ సప్తగిరి అన్నారు. 

ఈ సినిమాలోని ఫస్ట్‌ సాంగ్‌ వినాయక్‌ రిలీజ్‌ చేయగా, సెకండ్‌ ఆడియో సింగిల్‌ని మెగా మేనల్లుడు సాయి ధరమ్‌తేజ్‌ రిలీజ్‌ చేశాడు. అలా మెగా ఫ్యామిలీ సపోర్ట్‌తో మెగా అభిమానుల సపోర్ట్‌ కూడా దక్కింది సప్తగిరికి. హీరోగా మారినప్పటికీ, కమెడియన్‌గానూ ఆడియన్స్‌ని కడుపుబ్బా నవ్విస్తానంటున్నాడు సప్తగిరి. డిశంబర్‌ 7న చిత్రం ప్రేక్షకుల ముందుకు రానుంది.