'వినయ విధేయ రామ' చిత్రంలో రామ్‌ చరణ్‌, కైరా అద్వానీ జంటగా నటించారు. ఈ సినిమాలో వీరిద్దరి పేర్లూ, రామ, సీత అన్న సంగతి తెలిసిందే. సినిమా హిట్‌ అవ్వలేదు కానీ, 'రామ లవ్స్‌ సీత.. సీత లవ్స్‌ రామ..' అంటూ ఫుల్‌ కెమిస్ట్రీతో ఈ సినిమాలో పాట కూడా వేసేసుకున్నారు వీరిద్దరూ. వీరిద్దరి సినిమా స్నేహం ఇంత గొప్పది కాబట్టే, తాజాగా జరిగిన కైరా అద్వానీ బర్త్‌డే వేడుకల్లో రామ్‌చరణ్‌ పాల్గొన్నాడు.

రామ్‌ చరణ్‌ ప్రస్తుతం 'ఆర్‌ఆర్‌ఆర్‌' సినిమాలో నటిస్తున్న సంగతి తెలిసిందే. ఈ సినిమాలో యంగ్‌ అల్లూరి సీతారామరాజుగా చరణ్‌ నటిస్తున్న సంగతి తెలిసిందే. అందుకోసం డిఫరెంట్‌ స్టైల్‌ ఆఫ్‌ మీసకట్టును చరణ్‌ ఫాలో అవుతున్నాడు. అయితే, ఇంతవరకూ ఈ లుక్‌ ఎక్కడా రివీల్‌ కాలేదు. కానీ, సీత కైరా అద్వానీ పుణ్యమా అని, చరణ్‌ తాజా లుక్స్‌ బయటికొచ్చేశాయి. చరణ్‌, కైరా కలిసి సరదాగా దిగిన ఫోటోలు ప్రస్తుతం నెట్టింట్లో స్వైర విహారం చేస్తున్నాయి.

ఈ ఫోటోల్లో రామ్‌చరణ్‌ మీసం, బాడీ లాంగ్వేజ్‌ సింప్లీ సూపర్బ్‌. యంగ్‌ అల్లూరి ఇలాగే ఉంటాడా.? అని ఫ్యాన్స్‌ తెగ సరబరపడిపోతున్నారు. అయితే, నిజానికి చరణ్‌ ఈ లుక్‌లో ఎప్పుడో కనిపించేశాడు. 'ఆర్‌ఆర్‌ఆర్‌' గురించి అన్ని విషయాల్నీ క్లారిటీ ఇచ్చే క్రమంలో రాజమౌళి పెట్టిన ప్రెస్‌ మీట్‌లో భాగంగా చరణ్‌, ఎన్టీఆర్‌ సమ్‌థింగ్‌ డిఫరెంట్‌ లుక్స్‌తో ఆకట్టుకున్నారు. అప్పుడు చరణ్‌ ఇదే స్టైల్‌ మీసంతో కనిపించాడు.