'ఆర్ఆర్ఆర్' షూటింగ్ శరవేగంగా జరుగుతోన్న సంగతి తెలిసిందే. వైజాగ్ అటవీ ప్రాంతంలో ఎన్టీఆర్పై ఈ మధ్య ఓ షెడ్యూల్ కంప్లీట్ చేసిన చిత్ర యూనిట్ ప్రస్తుతం హైద్రాబాద్లో తాజా షెడ్యూల్కి ప్లాన్ చేసింది. హైద్రాబాద్లోని వికారాబాద్ అడవుల్లో కొన్ని యాక్షన్ సీన్స్కి రంగం సిద్ధం చేసింది. ఈ షెడ్యూల్ పూర్తిగా రామ్చరణ్ పైనే చిత్రీకరించనున్నారట. అల్లూరి సీతారామరాజు పాత్రలో చరణ్ నటిస్తున్న సంగతి తెలిసిందే. దర్శక ధీరుడు రాజమౌళి తెరకెక్కిస్తున్న ఈ చిత్రం ఇప్పటికే 75 శాతం చిత్రీకరణ పూర్తి చేసుకుందని అంటున్నారు. దాదాపు మార్చికల్లా షూటింగ్ షెడ్యూల్ మొత్తం కంప్లీట్ అయిపోతుందని చిత్ర యూనిట్ చెబుతుంది.
ఆ తర్వాత విఎఫ్ఎక్స్ ఎఫెక్ట్స్పై దృష్టి పెట్టనున్నారట. ఈ సినిమాలో విఎఫ్ఎక్స్కి ఎక్కువ ప్రాధాన్యత ఉంది. సో దానికే ఎక్కువ టైమ్ పట్టనుందట. అనుకున్న టైమ్కి సినిమాని ఎలాగైనా విడుదల చేయాలన్న కసితో రాజమౌళి ఉన్నాడట. కానీ, అది జరిగే పనేనా.? అనే అనుమానాలు అభిమానుల్లో తలెత్తుతున్నాయి. ఈ మధ్య ఓ కార్యక్రమంలో 'ఆర్ఆర్ఆర్' అనుకున్న టైమ్కి ఖచ్చితంగా ప్రేక్షకుల ముందుకు వస్తుంది.. అని చరణ్ లేటెస్ట్గా కన్ఫామ్ చేసిన సంగతి తెలిసిందే. ఎన్టీఆర్ కొమరం భీమ్ పాత్ర పోషిస్తున్న ఈ సినిమాకి కీరవాణి సంగీతమందిస్తున్నారు. బాలీవుడ్ బ్యూటీ అలియా భట్ చరణ్కి జోడీగా నటిస్తుండగా, హాలీవుడ్ భామ ఒలివియా ఎన్టీఆర్తో జత కడుతోంది.