పూరి జ‌గ‌న్నాథ్‌... రామ్ క‌ల‌యిక‌లో ఓ సినిమా తెర‌కెక్కుతున్న సంగ‌తి తెలిసిందే. ఈ సినిమా కోసం రామ్ త‌న గెట‌ప్ ని పూర్తిగా మార్చుకోబోతున్నాడు. ఈ చిత్రానికి 'పండుగాడు' అనే టైటిల్ ఖ‌రారు చేశార‌ని ప్ర‌చారం జోరుగా సాగుతోంది. మాస్‌కి త్వ‌ర‌గా చేరువ‌య్యే టైటిల్ కాబ‌ట్టి... పూరి ఇదే ఫిక్స్ చేయొచ్చ‌ని భావిస్తున్నారంతా. అయితే.. ఇప్పుడు మ‌రో టైటిల్ కూడా బ‌య‌ట‌కు వ‌చ్చింది. అదే.. 'ఇస్మార్ట్ శంకర్'. ఇందులో రామ్ పాత్ర పేరు శంకర్ అట. త‌న తెలివితేట‌ల‌తో ఎంత‌టి స‌మ‌స్య‌లోంచైనా సుల‌భంగా బ‌య‌ట‌ప‌డిపోతాడ‌ని, అందుకే ఆ పేరు పెట్టార‌ని చెబుతున్నారు.
'పండుగాడు' అని పేరు పెడితే... జ‌నాలు 'పోకిరి' రేంజు సినిమా ఆశించి థియేట‌ర్ల‌కువ‌స్తార‌ని, అది... ఈ సినిమాపై తీవ్ర ప్ర‌భావం చూపించే అవ‌కాశం ఉందని పూరి కాస్త ఆలోచిస్తున్నాడ‌ని టాక్‌. అందుకే 'ఇస్మార్ట్ శంకర్' వైపు దృష్టి సారించాడ‌ని తెలుస్తోంది. మ‌రి ఈ రెండు టైటిళ్ల‌లో ఏది ఫిక్స్ చేస్తారో తెలియాలంటే ఇంకొద్ది రోజులు ఆగాలి.
