అక్ర‌మ మ‌ద్యం ర‌వాణా కేసులో ప్రముఖ న‌టి ర‌మ్య‌కృష్ణ కారు డ్రైవర్‌ సెల్వకుమార్‌ అరెస్ట్ అయ్యారు. ఈరోజు చెన్నైలోని ఈసీఆర్ రోడ్డుపై పోలీసులు త‌నిఖీలు నిర్వ‌హిస్తుండగా అటుగా వెళ్తున్న TN CQ 07 0099 ర‌మ్య‌కృష్ణ పేరు మీద ఉన్న కారు కంట ప‌డింది. పోలీసుల త‌నిఖీలో కారులో 96 బీర్లూ... 8 వీస్కీ బాటిళ్లు దొరికాయి. దాంతో పోలీసులు డ్రైవర్‌ను అదుపులోకి తీసుకున్నారు.
లాక్ డౌన్ నేప‌థ్యంలో చెన్నైలో మ‌ద్యం అమ్మ‌కాలు తాత్కాలికంగా నిలిపివేశారు. ఈ మ‌ద్యం బాటిళ్లు మ‌హాబ‌లిపురం నుంచి కొనుగోలు చేసి తీసుకొస్తున్న‌ట్టు తెలిసింది. వాటికి బిల్లులు లేక‌పోవ‌డంతో అక్ర‌మ ర‌వాణా క్రింద పోలీసులు కేసు న‌మోదు చేశారు.
