మెగా పవర్ స్టార్ రామ్ చరణ్ తాజా చిత్రం రంగస్థలం విడుదలైన రోజునుండి ఒక్కొక్క రికార్డుని చెరిపేస్తూ కొత్త రికార్డులని సృష్టిస్తున్నది.

ఇక ఈరోజు ఓవర్సీస్ లో మహేష్ బాబు శ్రీమంతుడు పేరిట ఉన్న కలెక్షన్స్ రికార్డ్ ని రామ్ చరణ్ రంగస్థలం చిత్రం విడుదలైన పదిరోజులలో బద్దలు కొట్టేసింది. శ్రీమంతుడు చిత్రం తన మొత్తం లైఫ్ టైంలో 2.89 మిలియన్ డాలర్లు వసూలు చేయగా రంగస్థలం చిత్రం కేవలం 10రోజుల్లో 3 మిలియన్ డాలర్లు వసూలు చేసేసింది.

దీనితో USAలో బాహుబలి చిత్రం తరువాత అంతటి క్రేజ్ మరియు కలెక్షన్స్ సాధించిన చిత్రంగా ఈ రంగస్థలం నిలిచిపోయింది. ఇక విడుదలై రెండు వారాలు గడవకముందే ఇంతటి వసూళ్ళు సాధించిందంటే మొత్తం లైఫ్ టైం లో ఎంతగా వసూలు చేస్తుంది అన్న అంచనాలు మొదలయ్యాయి.

మొత్తానికి ఈ సినిమా ఇచ్చిన విజయంతో రామ్ చరణ్ తెలుగు చిత్రపరిశ్రమలో ఒక తిరుగులేని హీరోగా నిలబడిపోయాడు.