మెగా పవర్‌స్టార్‌ పవర్‌ చూపించే రోజు రానే వచ్చింది. వచ్చాడు 'రంగస్థలం'తో. మగాడు అనిపించుకున్నాడు. అలాంటి ఇలాంటి టాక్‌ కాదు. సూపర్‌ హిట్‌ టాకే వస్తోంది 'రంగస్థలం' సినిమాకి. దాంతో మెగా పవర్‌స్టార్‌ పవర్‌ చూపించేశాడు. విడుదలకు ముందు ఎక్కడ విన్నా ఈ సినిమా గురించే చర్చ. 

అందుకు ఏమాత్రం తగ్గకుండానే ఫస్ట్‌ డే కలెక్షన్స్‌, టాక్‌తో దుమ్ము రేపేస్తున్నాడు చరణ్‌. ఎక్కడా నెగిటివ్‌ కామెంట్స్‌ వినిపించడం లేదు. నిడివి కాస్త ఎక్కువైందన్న కామెంట్‌ తప్ప. ఆ కామెంట్‌ సినిమాకి పెద్దగా మైనస్‌ కాకపోవచ్చు. ఇక చరణ్‌ పర్‌ఫామెన్స్‌కి ప్రశంసల జల్లు కురుస్తోంది. తన పర్‌ఫామెన్స్‌తో వన్‌ మ్యాన్‌ షో చేసేశాడు. వార్‌ వన్‌ సైడ్‌ అయిపోయిందంతే. 'బాహుబలి' తర్వాత ఈ స్థాయిలో ఓపెనింగ్స్‌ వచ్చాయి ఈ సినిమాకే. 

సంక్రాంతి టాలీవుడ్‌కి భారీ నిరాశ మిగల్చడమే కాకుండా, ఆ తరువాత ఒకటీ అరా తప్ప పెద్దగా చెప్పుకోదగ్గ స్థాయిలో సినిమాలు విజయం సాధించలేదు. సమ్మర్‌కి ముందు విడుదలైన 'రంగస్థలం' ఆ లోటు తీర్చింది. సమ్మర్‌కి మంచి బోణీ కొట్టాడు మెగా పవర్‌ స్టార్‌ 'రంగస్థలం'తో. 'చెర్రీ కొట్టాడ్రా గట్టిగా కొట్టాడ్రా..' అనే టాక్‌ తప్ప మరోటి లేదు. దాదాపు వంద కోట్లు ప్రీ రిలీజ్‌ బిజెనెస్‌ అయ్యింది ఈ సినిమాకి. ఇక సినిమా జనంలోకి వచ్చేసింది. 

ఇక ఎంత వసూలు చేస్తుందనేది సర్వత్రా చర్చనీయాంశంగా మారింది. తెలుగు రాష్ట్రాల్లోనే కాదు, ఓవర్సీస్‌లో కూడా 'రంగస్థలం' రికార్డు స్థాయిలో దూసుకెళ్లిపోతోంది.