మెగా పవర్ స్టార్ రామ్ చరణ్ రంగస్థలం చిత్రం ఈ నెల 30న ప్రపంచవ్యాప్తంగా విడుదలకానుంది.
ఇక ఈ సినిమాకి సంబందించిన స్పెషల్ షోల గురించిన సమాచారం బయటికొచ్చింది. దీనికి సంబందించిన అనుమతి కూడా ఆంధ్రప్రదేశ్ రాష్ట్రం తరపున వెలువడింది. ఆ అనుమతి ప్రకారం, మార్చ్ 30 నుండి ఏప్రిల్ 5వ తేదీ వరకు ఉదయం 5 గంటల నుండి 10 గంటల వరకు స్పెషల్ షోలకి అనుమతినిచ్చారు.
దీనితో ఆంధ్రప్రదేశ్ రాష్ట్ర వ్యాప్తంగా ఉన్న 10 జిల్లాలలో ఈ స్పెషల్ షోలకి అనుమతి లభించేసింది. ఇదే సమయంలో తెలంగాణలో మాత్రం ఇంకా ఎటువంటి సమాచారం లేదు. అయితే ఇక్కడ కూడా స్పెషల్ షోల కోసం ప్రయత్నాలు జరుగుతున్నాయి.
మొత్తానికి రంగస్థలం సినిమా అభిమానుల కోసం కాస్త త్వరగానే విడుదలకానుంది.
