'రారండోయ్‌ వేడుక చూద్దాం' సినిమా ఫస్ట్‌లుక్‌ నుండే ఇంట్రెస్ట్‌ క్రియేట్‌ చేస్తోంది. నాగ చైతన్య, రకుల్‌ ప్రీత్‌ సింగ్‌ జంట అందర్నీ బాగా ఎట్రాక్ట్‌ చేస్తోంది. ఎవర్‌ గ్రీన్‌ తరహాలో ఈ జంట అలరిస్తోంది ప్రమోస్‌లో. స్టిల్స్‌ అదరిపోతున్నాయి. జంట చూడ ముచ్చటగా ఉందంటూ అంతా మెచ్చుకుంటున్నారు ఈ సినిమాలో ఈ ఇద్దరి పెయిర్‌ని. ఆడియో సింగిల్స్‌ మరింత ఇంట్రెస్ట్‌ క్రియేట్‌ చేస్తున్నాయి. పాటలు విడుదలయ్యాక సినిమాపై అంచనాలు పెరిగిపోతున్నాయి. దేవిశ్రీ ప్రసాద్‌ మ్యూజిక్‌ ఆకట్టుకుంటోంది. డిఫరెంట్‌ తరహాలో ఉంది ఈ సినిమాలో దేవి అందించిన మ్యూజిక్‌. 'సోగ్గాడే చిన్న నాయనా' సినిమాతో ఇదే విధంగా ఎట్రాక్ట్‌ చేశాడు డైరెక్టర్‌ కళ్యాన్‌ కృష్ణ. విడుదలయ్యాక మంచి హిట్‌ అందుకుంది ఆ సినిమా. అదే మాదిరిగా నాగ చైతన్యకి కూడా ఈ సినిమా మంచి విజయం ఇవ్వడం ఖాయం అనిపిస్తోంది. ఫస్ట్‌లుక్‌ పోస్టర్‌ విడుదలైన నాటి నుండి ఈ సినిమా గురించే మాట్లాడుకుంటున్నారు అంతా. ట్రైలర్‌ వచ్చాక చైతూ యూత్‌కి ఇంకా బాగా కనెక్ట్‌ అయిపోతున్నాడు. నాగార్జున నిర్మాణంలో తెరకెక్కుతోన్న చిత్రమిది. వరుస విజయాలతో దూసుకెళ్తోన్న చైతూ ఈ సినిమాతో సక్సెస్‌ని కొనసాగించేలానే ఉన్నాడు. లక్కీ మస్కెట్‌ రకుల్‌ అంద చందాలు, ఈ సినిమాకి మెయిన్‌ అట్రాక్షన్‌ అయ్యేలా ఉన్నాయి. త్వరలోనే ఈ సినిమా ప్రేక్షకుల ముందుకు రానుంది. ఈ లోగా సినిమా ప్రమోషన్‌ కార్యక్రమాలు మరింత వేగవంతం చేయనుందట చిత్ర యూనిట్‌.