క్రేజీ బ్యూటీ రష్మికా ఖాతాలో మరో బంపర్‌ ఆఫర్‌ వచ్చి చేరింది. చిన్న హీరో నాగశౌర్యతో స్టార్ట్‌ అయిన ఈ ముద్దుగుమ్మ ప్రయాణం 'గీత గోవిందం'తో సంచలనమైంది. సెన్సేషనల్‌ స్టార్‌ విజయ్‌ దేవరకొండతో స్క్రీన్‌ షేర్‌ చేసుకోవడం అందుకు ఓ కారణంగా చెప్పొచ్చు. ఆ తర్వాత అమ్మడి ఖాతాలో ఒక్కొక్కటిగా బిగ్‌ ప్రాజెక్టులు వచ్చి చేరుతున్నాయి. యంగ్‌ హీరో నితిన్‌తో 'భీష్మ' చిత్రానికి ఆల్రెడీ రష్మికా సైన్‌ చేసిన సంగతి తెలిసిందే. స్టైలిష్‌ స్టార్‌ అల్లు అర్జున్‌ - సుకుమార్‌ కాంబినేషన్‌లో తెరకెక్కబోయే చిత్రానికి రష్మికాని ఎప్పుడో హోల్డ్‌లో పెట్టేశారు. ఇక తాజాగా సూపర్‌ స్టార్‌ మహేష్ పక్కన నటించే బంపర్‌ ఛాన్స్‌ కొట్టేసింది రష్మికా.
ఇంత తక్కువ టైంలో మహేష్‌తో నటించే ఛాన్స్‌ దక్కించుకుందంటే, రష్మికా లక్‌ మామూలుగా లేదనే చెప్పాలి. ఇంతవరకూ మహేష్‌తో రష్మికా అంటూ ప్రచారమే జరిగింది. లేటెస్ట్‌గా ఈ విషయాన్ని రష్మికా కన్‌ఫామ్‌ చేసింది. ఈ విషయంలో రష్మికాని మెచ్చుకోవాల్సిందే. తనపై సర్క్యులేట్‌ అవుతున్న ఏ విషయమైనా అయితే అయ్యిందిలే అని వదిలేయకుండా, వెంటనే స్పందిస్తుంది. నిజమైతే కన్‌ఫామ్‌ చేస్తుంది. లేదంటే ఉత్త ప్రచారమే అని కొట్టి పారేస్తుంది. తమిళనాట విజయ్‌తో రష్మికా సినిమా అని జరిగిన ప్రచారంలో నిజం లేదనీ అలాగే తేల్చేసింది. ఏదీ ఎక్కువ సేపు నాననివ్వదు రష్మికా. అందుకే ఆమెకు జన్యూన్‌గా అంత మంది ఫాలోవర్స్‌ ఉన్నారు సోషల్‌ మీడియాలో. దటీజ్‌ రష్మికా మండన్నా.
