కన్నడ కుట్టీ రష్మిక మండన్నాకి అన్నీ ఎక్స్‌ట్రీమ్‌లోనే ఉంటున్నాయి. పాప పరిచయం కాకుండానే బోలెడంత క్రేజ్‌ దక్కించేసుకుంది రూమర్స్‌తో. ఇక వచ్చాక కూడా ఆ క్రేజ్‌ని కంటిన్యూ చేసింది. 'ఛలో' సినిమాతో తెలుగు ప్రేక్షకులకు దగ్గరైన రష్మికా మండన్నా రెండే రెండు సక్సెస్‌లు అందుకుంది తెలుగులో ఇంతవరకూ. కానీ, పది సినిమాలకు సరిపడా క్రేజ్‌ దక్కించుకుంది. వచ్చిన క్రేజ్‌ని అస్సలు ఊరికే పోనియ్యకూడదనుకుందో ఏమో కానీ, 'గీత గోవిందం' తర్వాత రష్మికా అమాంతం రెమ్యునరేషన్‌ పెంచేసింది.
అయితే ఇది ప్రచారం మాత్రమే అని మరోవైపు వాదన. కానీ, నో అని కొట్టి పాడేయడానికి లేకుండా ఆ మాటలకు బలమైన రెస్పాన్స్‌ కూడా ఇచ్చింది రష్మిక. ఇకపోతే, ప్రస్తుతం రష్మిక చేతిలో క్రేజీయెస్ట్‌ ప్రాజెక్టులున్న సంగతి తెలిసిందే. యంగ్‌ హీరో నితిన్‌తో 'భీష్మ' చిత్రంలో నటిస్తోంది. త్వరలోనే ఈ సినిమా ప్రేక్షకుల ముందుకు రానుంది. ఇక సంక్రాంతికి రాబోయే 'సరిలేరు నీకెవ్వరూ..' రష్మికకు అసలు సిసలు అగ్ని పరీక్ష. సూపర్‌ స్టార్‌ మహేష్‌బాబుతో నటించిన సినిమా కావడం, ఈ సినిమా సక్సెస్‌ ఆమె కెరీర్‌కి ఎంతో కీలకంగా మారింది.
ఆ తర్వాత అల్లు అర్జున్‌ - సుకుమార్‌ సినిమాలోనూ రష్మిక హీరోయిన్‌గా నటిస్తున్న సంగతి తెలిసిందే. రేపో మాపో సెట్స్‌ మీదికెళ్లే ఈ సినిమాపై అంచనాలు క్రియేట్‌ కావడానికి 'సరిలేరు నీకెవ్వరూ..' సక్సెస్‌ ఖచ్చితంగా తోడవుతుంది.. అనడం అతిశయోక్తి కాదేమో. రష్మిక గోల్డెన్‌ బ్యూటీ అనిపించుకోవాలంటే, ప్రస్తుతం రష్మిక చేతిలో ఉన్న ప్రాజెక్టులు సక్సెస్‌ అయ్యి తీరాల్సిందే.
