మ‌ల‌యాళంలో సూప‌ర్ హిట్ అయిన `లూసీఫ‌ర్‌`ని తెలుగులో `గాడ్ ఫాద‌ర్‌`గా రీమేక్ చేస్తున్న సంగ‌తి తెలిసిందే. చిరంజీవి క‌థానాయ‌కుడు. మోహ‌న్ రాజా ద‌ర్శ‌క‌త్వం వ‌హిస్తున్నారు. ఈ చిత్రంలో స‌ల్మాన్ ఖాన్ ఓ కీల‌క పాత్ర పోషిస్తున్న సంగ‌తి తెలిసిందే. ప్ర‌స్తుతం ముంబైలో షూటింగ్ జ‌రుగుతోంది.చిరంజీవి, స‌ల్మాన్ ఖాన్‌ల‌పై కీల‌క స‌న్నివేశాలు తెర‌కెక్కిస్తారు. ఈ షెడ్యూల్ లో స‌ల్మాన్ ఖాన్‌కి సంబంధించిన స‌న్నివేశాల్ని పూర్తి చేస్తారు.
మ‌రోవైపు ఈ సినిమాలో ర‌వితేజ కూడా క‌నిపించ‌నున్నాడ‌ని టాక్ వినిపిస్తోంది. ర‌వితేజ ఓ అతిథి పాత్ర‌లో న‌టిస్తున్నార‌న్న‌ది ఇండ‌స్ట్రీ వ‌ర్గాల స‌మాచారం. ర‌వితేజ కూడా ఈ షెడ్యూల్ లోనే సెట్ లోకి అడుగు పెడ‌తాడ‌ని తెలుస్తోంది. చిరంజీవి - బాబి కాంబినేష‌న్‌లో ఓ చిత్రం రూపుదిద్దుకుంటున్న సంగ‌తి తెలిసిందే. ఇందులోనూ ర‌వితేజ న‌టించ‌బోతున్నాడు. అంటే.. ఈ ఇద్ద‌రు హీరోలు, ఒకేసారి రెండు సినిమాలు చేస్తున్నార‌న్న‌మాట. `గాడ్ ఫాద‌ర్‌`లో న‌య‌న‌తార క‌థానాయిక. స‌త్య‌దేవ్ ఓ కీల‌క పాత్ర పోషిస్తున్న సంగ‌తి తెలిసిందే. ఈ యేడాదే ఈ చిత్రం ప్రేక్ష‌కుల ముందుకు రానుంది.
