ర‌వితేజ సూప‌ర్ స్పీడులో సినిమాలు చేసుకుంటూ వెళ్తున్నాడు. సినిమా హిట్టు, ఫట్టుల‌తో సంబంధం లేకుండా నిర్మాత‌లు కూడా ర‌వితేజ‌తో సినిమాలు చేయ‌డానికి ఉత్సాహం చూపిస్తున్నారు. అందుకే ర‌వితేజ చేతిలో ఎప్పుడూ సినిమాలుంటున్నాయి. తాజాగా ర‌వితేజ మ‌రో సినిమాకి ప‌చ్చ జెండా ఊపిన‌ట్టు స‌మాచారం.

గోపీచంద్ మ‌లినేని ద‌ర్శ‌క‌త్వంలో ర‌వితేజ న‌టించ‌బోతున్న‌ట్టు టాలీవుడ్ టాక్‌. డాన్ శీను, బ‌లుపు వీరిద్ద‌రి కాంబినేష‌న్‌లో వ‌చ్చిన‌వే. రెండూ క‌మ‌ర్షియ‌ల్‌గా బాగానే ఆడాయి. ఇప్పుడు ముచ్చ‌ట‌గా మూడో సినిమాకి శ్రీ‌కారం చుట్ట‌బోతున్నార‌ట‌. ఇప్ప‌టికే క‌థ సిద్ధ‌మైంది. ర‌వితేజ కూడా ఈ క‌థ‌కి ఓకే చెప్పేశాడు. ఈ యేడాదే ఈ సినిమా సెట్స్‌పైకి వెళ్లే అవ‌కాశాలున్నాయి. పూర్తి వివ‌రాలు త్వ‌ర‌లో తెలుస్తాయి.