'1- నేనొక్కడినే' సినిమాతో సూపర్‌ స్టార్‌ మహేష్‌బాబు కొడుకు గౌతమ్‌ తెరంగేట్రం చేశాడు. మహేష్‌బాబు చిన్నప్పటి పాత్రలో గౌతమ్‌ చక్కటి నటన కనబరిచాడు ఆ సినిమాలో. అలాగే ఇప్పుడు మరో హీరో కొడుకు తెరంగేట్రం చేయబోతున్నాడనీ సమాచారమ్‌. మాస్‌ రాజా రవితేజ కొడుకు మహాధన్‌ బాల నటుడిగా పరిచయం కాబోతున్నాడంటూ వార్తలు వినిపిస్తున్నాయి. రవితేజ ప్రస్తుతం 'రాజా ది గ్రేట్‌' సినిమాలో నటిస్తున్నాడు. ఈ సినిమాలో రవితేజ చిన్నప్పటి పాత్ర కోసం మహాధన్‌ని ఎంచుకున్నారనీ తెలియవస్తోంది. ఈ పాత్ర కోసం తొలుత మరో బాల నటుడ్ని అనుకున్నారు. కానీ లాస్ట్‌ మినిట్‌లో ఈ పాత్రకు రవితేజ తనయుడైతేనే బావుంటుందని భావించి, మహాధన్‌ని తీసుకున్నారనీ టాక్‌ వినిపిస్తోంది. అచ్చు తండ్రి పోలికలతో ముద్దుగా ఉన్న జూనియర్‌ రవితేజ భలే ముద్దొస్తున్నాడులే. ఈ సినిమాలో రవితేజ అంధుడిగా నటిస్తున్నాడు. 'సర్వేంద్రియానాం సర్వం ప్రధానం' అంటూ విడుదలైన టీజర్‌కి మంచి రెస్పాన్స్‌ వస్తోంది. అనిల్‌ రావిపూడి దర్శకత్వంలో ఈ సినిమా తెరకెక్కుతోంది. 'బెంగాల్‌ టైగర్‌' సినిమా తర్వాత రవితేజ నటిస్తోన్న చిత్రమిది. దిల్‌ రాజు ప్రొడక్షన్‌లో రూపొందుతోంది. ఈ సినిమాలో 'కృష్ణగాడి వీర ప్రేమగాధ' ఫేం మోహరీన్‌ కౌర్‌ హీరోయిన్‌గా నటిస్తోంది. దీంతో పాటు 'టచ్‌ చేసి చూడు' సినిమాలోనూ నటిస్తున్నాడు రవితేజ.