తమిళంలో ధనుష్‌ హీరోగా తెరకెక్కిన ‘అసురన్‌’ తెలుగులో ‘నారప్ప’గా రీమేక్‌ అవుతున్న సంగతి తెలిసిందే. విక్టరీ వెంకటేష్‌ హీరోగా తెరకెక్కుతోన్న ఈ సినిమాని హోమ్‌ బ్యానర్‌లో సురేష్‌ బాబు నిర్మిస్తున్నారు. ముద్దుగుమ్మ ప్రియమణిని వెంకటేష్‌కి జోడీగా ఎంపిక చేసుకున్న సంగతి తెలిసిందే. అయితే, తాజాగా అందుతోన్న సమాచారం ప్రకారం మరో ముద్దుగుమ్మ ఈ ప్రాజెక్ట్‌లో జాయిన్‌ అయినట్లు తెలుస్తోంది. మలయాళ భామ రెబ్బా మోనిక జాన్‌ని ఈ సినిమాలో కీలక పాత్ర కోసం ఎంచుకున్నారట. నిడివి తక్కువే అయినా ఈమె పాత్రకు సినిమాలో ఎక్కువ ఇంపార్టెన్స్‌ ఉండబోతోందట.
రెబ్బా మోనికకూ, హీరోకీ మధ్య వచ్చే సన్నివేశాలు సినిమాకి కీలకంగా ఉండబోతున్నాయని ప్రచారం జరుగుతోంది. కథని కీలక ముపు తిప్పే పాత్రలో రెబ్బా కనిపించనుందట. ప్రస్తుతం తమిళనాడులో జరుగుతున్న షూటింగ్‌ షెడ్యూల్‌లో ఈ మలయాళ కుట్టీ కూడా పాల్గొననుందని తెలుస్తోంది. శ్రీకాంత్‌ అడ్డాల దర్శకత్వంలో తెరకెక్కుతోన్న ఈ చిత్రాన్ని సమ్మర్‌లో రిలీజ్‌కి ప్లాన్‌ చేస్తున్నారు. ఇప్పటికే అనంతపురం తదితర ప్రాంతాల్లో సక్సెస్‌ఫుల్‌గా షూటింగ్‌ జరుపుకున్న ‘నారప్ప’ లాస్ట్‌ షెడ్యూల్‌ని హైద్రాబాద్‌లో ప్లాన్‌ చేస్తున్నారు. ‘నారప్ప’ టైటిల్‌కీ, ఫస్ట్‌లుక్‌కీ ట్రెమండస్‌ రెస్పాన్స్‌ వచ్చిన దర్మిలా, కొత్తగా యాడ్‌ అయిన మలయాళ కుట్టి రెబ్బా గ్లామర్‌ ఎక్స్‌ట్రా అడ్వాంటేజ్‌ కానుందేమో చూడాలిక.
