రేణూదేశాయ్‌... ఈ పేరు ఎప్పుడు వినిపించినా ప‌వ‌న్ అభిమానుల గుండెలు ఉలిక్కిప‌డుతుంటాయి. ప‌వ‌న్- రేణూ విడిపోయాక రేణు మాట‌ల‌కు, ట్వీట్ల‌కూ ఆ స్థాయి స్పంద‌న వ‌స్తోంది. ఏ ట్వీటుతో ప‌వ‌న్‌ని ఆకాశాన్ని ఎత్తేస్తుందో, ఏ మాట‌తో ఇమేజ్‌ని హ‌ఠాత్తుగా కింద‌కు దించేస్తుందో తెలీక స‌త‌మ‌త‌మ‌వుతుంటారు. ఇప్పుడు రేణూ సినిమాల్లోకి రీ ఎంట్రీ ఇస్తోంది. 

రెండు తెలుగు సినిమాల్లో న‌టించ‌డానికి ఒప్పుకుంది. ఈలోగా సాక్షి టీవీ యాంక‌ర్‌గా అవ‌తారం ఎత్తింది. అస‌లు సాక్షి టీవీకీ, రేణూకీ ఏం సంబంధం? న‌టించ‌డం మానేసి కొత్త ఉద్యోగం సంపాదించిందా? అనే అనుమానాలేం అక్క‌ర్లెద్దు. ఒకే ఒక్క‌డులో అర్జున్ ఒక‌రోజు ముఖ్యమంత్రిగా ప‌నిచేసిన‌ట్టు, సాక్షి టీవీ కోసం ఓ రోజు యాంక‌ర్ అయిపోయింది రేణూ. 

క‌ర్నూలులో రైతు స‌మ‌స్య‌ల‌పై సాక్షి టీవీ ఓ స్పెష‌ల్ షో చేస్తోంది. దానికి రేణూ యాంక‌ర్ బాధ్య‌త‌లు తీసుకుంది. ప్ర‌స్తుతం  రేణూ క‌ర్నూలు వెళ్లింది. అక్క‌డే ఈ షో జ‌రుగుతోంది. అన్న‌ట్టు అదే క‌ర్నూలులోనే ప‌వ‌న్ క‌ల్యాణ్ కూడా ఉన్నారు. ప్ర‌జా పోరాట యాత్ర‌లో భాగంగా ప‌వ‌న్ అక్క‌డ ప‌ర్య‌టిస్తున్నాడు. మాజీ భార్యా భ‌ర్త‌లు ఒకే చోట, ప్ర‌జా స‌మ‌స్య‌ల‌పైనే పోరాటం చేస్తున్నార‌న్న‌మాట‌.