హీరోయిన్‌, పవర్‌ స్టార్‌ పవన్‌ కళ్యాణ్‌ మాజీ భార్య రేణూ దేశాయ్‌ ఎప్పటి నుండో తెలుగులో ఓ సినిమా డైరెక్ట్‌ చేస్తానని చెబుతోంది. అందుకు సరైన టైం కోసం ఎదురు చూస్తున్నానని గతంలో పలు మార్లు చెప్పింది. 

ఆ టైం ఇప్పుడు రానే వచ్చిందనిపిస్తోంది. త్వరలోనే రేణూదేశాయ్‌ దర్శకత్వంలో సినిమా రానుందట. అది ఓ లవ్‌ స్టోరీ అని తెలుస్తోంది. మెచ్యూర్డ్‌ లవ్‌స్టోరీ అట. పెళ్లికి ముందు , పెళ్లి తర్వాత లవ్‌ని తన సినిమాలో చూపించబోతోందట రేణూదేశాయ్‌. ఆలుమగల మధ్య సంఘర్షణ వంటి అంశాలకు ఎక్కువ ప్రాధాన్యత ఉండనుందట. ముఖ్యంగా సహజీవనం గురించి కొంత పార్ట్‌ ఈ సినిమాలో ఉంటుందనీ తెలుస్తోంది. ఈ అంశాలు సినిమాపై ఆశక్తిని పెంచుతున్నాయి. కానీ ఇది ఎప్పటికి జరిగేనో తెలియాల్సి ఉంది. 

ఇప్పటికైతే రేణూదేశాయ్‌ తెలుగులో సినిమా చేయబోతున్నానని చెప్పింది. కానీ పూర్తి వివరాలు వెల్లడించలేదు. పైన చెప్పుకున్నవన్నీ జస్ట్‌ గాసిప్సే. ఇదీ స్టోరీ అంటూ ఈ గాసిప్స్‌ స్వైర విహారం చేస్తున్నాయి. ఈ గాసిప్స్‌ వింటుంటే, మొత్తానికి రేణూదేశాయ్‌ తన సొంత స్టోరీనే కొంచెం అటూ ఇటూగా మార్చి సినిమాగా తెరకెక్కిస్తుందేమో అని అందరూ చర్చించుకుంటున్నారు. 

ప్రస్తుతం అయితే రేణూదేశాయ్‌ రెండో పెళ్లి సందడిలో బిజీగా ఉంది. ఇటీవలే నిశ్చితార్ధం చేసుకున్న రేణూదేశాయ్‌ త్వరలోనే పెళ్లిపీటలెక్కనుంది.