అర్జున్ రెడ్డి చిత్రాన్ని దర్శకుడు రామ్ గోపాల్ వర్మ ప్రమోట్ చేసినంతగా బహుశా ఆ చిత్ర టీం కూడాచేసి ఉండదు అని అంటే నమ్మశక్యం కాదేమో..
వివరాల్లోకి వెళితే, అర్జున్ రెడ్డి దర్శకుడు సందీప్ రెడ్డి వంగ నిన్న ముంబైలో ఆర్జీవీని కలిసారు. ఇకే ఇదే తరుణంలో ఆర్జీవీ తన సోషల్ మీడియాలో ఈ అంశం పై తనదైన స్టైల్ లో కామెంట్స్ పెట్టాడు. అదేంటంటే- సందీప్ రెడ్డి తాను తీయబోయే తరువాత చిత్ర కథ తనకి చెప్పినట్టు, ఇక ఆ కథ ముందు అర్జున్ రెడ్డి కథ అట్టర్ ఫ్లాప్ అని తేల్చేశాడు.
దీనితో ఒక్కసారిగా సందీప్ రెడ్డి చేయబోయే కథ ఏంటో అన్న ఆసక్తి అందరిలోనూ పెరిగిపోయింది. ఇదిలావుండగా ఆర్జీవీ ఇటువంటి కామెంట్స్ చేయడంలో సిద్దహస్తుడు అని అంటున్న వారు లేకపోలేరు.
మొత్తానికి ఆయన సినిమాలకే కాదు పక్క వాళ్ళ సినిమాలకి కూడా హైప్ ఇచ్చే పనిలో ఉన్నాడుగా..
