రామ్ గోపాల్ వర్మ తాజా చిత్రం 'పవర్ స్టార్' అందరి దృష్టిని ఆకర్షించిన సంగతి తెలిసిందే. ఈ సినిమా పూర్తిగా ఫిక్షన్ అని, ఎవరినీ ఉద్దేశించినది కాదని వర్మ చెప్తూ ఉన్నప్పటికీ ఆ విషయం ఎక్కువమంది నమ్మడం లేదు. ముఖ్యంగా పవన్ అభిమానులు ఈ సినిమాపై మండిపడుతున్నారు. ఇప్పటికే ఆర్జివీకి వ్యతిరేకంగా నాలుగు సినిమాలు రెడీ అవుతున్నాయి. బిగ్ బాస్ ఫేమ్ నూతన్ నాయుడు దర్శకత్వంలో తెరకెక్కిన 'పరాన్నజీవి' ఈ మధ్య రిలీజ్ అయింది. ఆర్జివీ పాత్రలో షకలక శంకర్ నటించిన ఈ సినిమా ప్రేక్షకులను పెద్దగా ఆకట్టుకోలేకపోయింది.
ఈ సినిమా కాకుండా 'రోజూ గిల్లే వాడు', 'డేరా బాబా', 'వన్స్ అపాన్ ఎ టైమ్ ఇన్ టాలీవుడ్- ఫ్లాప్ డైరెక్టర్' ప్రస్తుతం చిత్రీకరణ దశలో ఉన్నాయి. వీటితో పాటు ' ఎవడ్రా నన్ను కొట్టింది' అనే సినిమా కూడా ప్రస్తుతం ఆర్జివీకి వ్యతిరేకంగా తెరకెక్కుతోంది. ఈమధ్య ఈ సినిమాకు సంబంధించిన ఫస్ట్ లుక్ మోషన్ పోస్టర్ కూడా రిలీజ్ చేశారు. ఒక దర్శకుడి పై కొందరు అజ్ఞాత వ్యక్తులు దాడి చేస్తారని, ఆ తర్వాత ఆరు నెలల కాలం ఆ దర్శకుడికి ఏం జరిగింది? ఆయన మన స్థితి మానసిక స్థితి ఎలా ఉంది? అనేది సినిమా కథ అని ఫిలిం మేకర్స్ వెల్లడిస్తున్నారు.
సినిమా లవర్స్ క్రియేషన్స్ బ్యానర్ పై ఈ చిత్రాన్ని నిర్మిస్తున్నారు. మరి ఈ సినిమా నిజంగా ప్రేక్షకులకు మెప్పించగలుగుతుందా లేదా ఇది కూడా మరో 'పరాన్నజీవి' లాగా తయారవుతుందా అన్నది మాత్రం వేచి చూడాలి.
