సంచలనాల దర్శకుడు వర్మకి ఈ మధ్య సక్సెస్‌లు లేవు. ఇలాంటి టైంలో ముందూ, వెనక ఆలోచించకుండా వర్మతో సినిమాకి ఒప్పుకున్నాడు నాగార్జున. నాగార్జునేంటి ఇలాంటి డెసిషన్‌ తీసుకున్నాడేంటి అని అంతా అనుకున్నారు. కానీ సెట్స్‌లో నాగార్జున అంచనాలకు మించి వర్మలో కాన్ఫిడెన్స్‌ కనిపిస్తోందట. 

'శివ' సినిమా నాటి ఫ్రెష్‌నెస్‌, ప్యాషన్‌ నాగార్జునకి వర్మ చూపిస్తున్నాడట. అదే సమయంలో నాగార్జున కూడా చాలా కష్టపడుతున్నాడట. ఇలా సెట్స్‌లో ఒకరినొకరు ఇన్‌స్పైర్‌ చేసుకుంటున్నారు. దాంతో ప్రతీ సన్నివేశం అనుకున్న దని కరన్నా చాలా బాగా వస్తోంది. ఇన్‌సైడ్‌ రిపోర్ట్స్‌ ఈ సినిమాపై అంచనాల్ని భారీగా పెంచేస్తున్నాయి. సాధారణంగా వర్మ తన సినిమాల విషయంలో ఎక్కువ హైప్‌ని నమ్ముకుంటాడు. టైటిల్‌ అనౌన్స్‌మెంట్‌తోనే సినిమాపై బోలెడంత పబ్లిసిటీని క్రియేట్‌ చేస్తాడు. పబ్లిసిటీ వచ్చినాకే సినిమాని స్టార్ట్‌ చేస్తాడు వర్మ. 

అలాంటిది దానికి పూర్తి భిన్నంగా చాలా కామ్‌గా నాగార్జున్‌ సినిమా షూటింగ్‌ పూర్తయిపోతోంది. పక్కా యాక్షన్‌ ఎంటర్‌టైనర్‌గా తెరకెక్కుతోన్న ఈ సినిమాలోని యాక్షన్‌ సన్నివేశాలకు సంబంధించిన మేకింగ్‌ వీడియో ఇకటి ఈ మధ్య వర్మ సోషల్‌ మీడియాలో విడుదల చేశాడు. ఆ వీడియోలో వర్మ కంపోజ్‌ చేస్తున్న యాక్షన్‌ ఘట్టాలు సూపర్బ్‌గా ఆకట్టుకున్న సంగతి తెలిసిందే. ఇప్పటి దాకా వర్మ విడుదలకు ముందు సంచలనాలు కోరుకునే వాడు. ఈ సినిమాతోనే విడుదలకు తర్వాతి సంచలనాలను గురించి ఆలోచిస్తున్నాడట. 

ఇదంతా చూస్తుంటే, నాగ్‌తో సినిమా కోసం వర్మ తనని తాను ఎంతగా మార్చేసుకున్నాడో అర్ధమవుతోంది. ఈ సినిమాకి 'గన్‌' అనే టైటిల్‌ని పరిశీలిస్తున్నట్లు తెలుస్తోంది.