‘కనులు కనులను దోచాయంటే..’ ప్రేమ అని దానర్ధం అంటూ అప్పుడెప్పుడో వినసొంపుగా ఓ పాట వినపడడం గుర్తుంది కదా. ఇప్పుడీ పాటకు మాట కలిసి సినిమా టైటిల్‌గా మారింది. మలయాళ హీరో దుల్కర్ సల్మాన్‌ నటిస్తున్న ఈ చిత్రంలో తెలుగమ్మాయ్‌ రీతూ వర్మ హీరోయిన్‌గా నటిస్తోంది. ఈ శుక్రవారం ఈ డబ్బింగ్‌ చిత్రాన్ని తెలుగులో గ్రాండ్‌గా రిలీజ్‌ చేసేందుకు ప్లాన్‌ చేస్తున్నారు. ‘పెళ్లి చూపులు’ సినిమాతో రీతూ వర్మ మంచి పేరు దక్కించుకుంది. ఆ తర్వాత ఆమె నటించిన ‘కేశవ’ తదితర చిత్రాలు కూడా సక్సెస్‌ అయ్యాయి. ఇక దుల్కర్ సల్మాన్‌ విషయానికి వస్తే, ‘మహానటి’తో టాలీవుడ్‌ ఆడియన్స్‌ దృష్టిని ఇట్టే ఆకర్షించాడు.
ముఖ్యంగా యూత్‌లో మంచి క్రేజ్‌ సంపాదించాడీ హీరో. అందుకే తన సినిమాని ఫుల్‌ కాన్ఫిడెన్స్‌తో తెలుగులో రిలీజ్‌ చేస్తున్నారు. ఈ సినిమాలో దుల్కర్ సల్మాన్‌ నటన యూత్‌ని కట్టి పడేసేలా ఉండనుందని ప్రోమో చూస్తుంటే అర్ధమవుతోంది. జోరుగా ఈ సినిమాని ప్రమోట్‌ చేస్తున్నారు. ప్రమోషన్స్‌లో రీతూ వర్మ చాలా యాక్టివ్‌గా కనిపిస్తోంది. మంచి యూత్‌ఫుల్‌ రొమాంటిక్‌ ఎంటర్‌టైనర్‌గా రూపొందిన ఈ చిత్రం తెలుగు ఆడియన్స్‌ మనసు దోచుకుంటుందా.? తెలియాంటే రిలీజ్‌ వరకూ ఆగాల్సిందే.
