రాజమౌళి ప్రెస్టీజియస్‌ మూవీ 'ఆర్‌ఆర్‌ఆర్‌' శరవేగంగా షూటింగ్‌ జరుపుకుంటున్న సంగతి తెలిసిందే. రామ్‌చరణ్‌, ఎన్టీఆర్‌ కాంబినేషన్‌లో తెరకెక్కుతోన్న ఈ సినిమాలో ఇద్దరు హీరోయిన్స్‌కి చోటుండగా, రామ్‌చరణ్‌ జోడీని బాలీవుడ్‌ నుండి తీసుకొచ్చాడు జక్కన్న. బాలీవుడ్‌ బ్యూటీ అలియా భట్‌ చరణ్‌కి జోడీగా నటిస్తుండగా, ఎన్టీఆర్‌ జోడీ కోసం విదేశీ భామ డైసీ ఎడ్గర్‌ని ఎంచుకున్నారు. కానీ, ఆమె మధ్యలోనే హ్యాండివ్వడంతో ఆ పాత్రకు హీరోయిన్‌ని వెతకడం కత్తి మీద సామే అయ్యింది జక్కన్నకు. జక్కన్న కష్టం ఫలించింది. ఎట్టకేలకు ఎన్టీఆర్‌ జోడీని వెతికి పట్టుకున్నారు.
ఒలివియా మోరిస్‌ అనే హాలీవుడ్‌ భామ పేరును అఫీషియల్‌గా అనౌన్స్‌ చేసింది 'ఆర్‌ఆర్‌ఆర్‌' టీమ్‌. ఇంతవరకూ ఈ పాత్రలో పలానా హీరోయిన్‌ అట.. అంటూ వివిధ విదేశీ భామల ఫోటోలు నెట్‌లో హల్‌చల్‌ చేశాయి. ఇక ఆ గాలి వార్తలకు అడ్డుకట్ట వేసేశాడు జక్కన్న. ఎన్టీఆర్‌ జోడీని వెరీ లేటెస్ట్‌గా అధికారికంగా ప్రకటించేశాడు. ఈ సినిమాలో కొమరం భీమ్‌ పాత్ర పోషిస్తున్న ఎన్టీఆర్‌, కథానుసారం ఓ విదేశీ భామతో ప్రేమలో పడతాడు. నేచురాలిటీ కోసం విదేశీ మూలాలున్న ముద్దుగుమ్మనే ఈ పాత్రలో నటింపచేయాలనుకున్నాడు. ఎలాగైతేనేం, జక్కన్న పంతం నెరవేరింది. మొత్తానికి విదేశీ భామనే పట్టి తీసుకొచ్చాడు. ఏమాటకామాటే చెప్పాలి, ఒలివియా మోరిస్‌ భలే క్యూట్‌గా ఉందిలే.
