ఎప్పుడు ఏ సినిమా ఎలా హిట్‌ అవుతుందో అంచనా వేయలేని పరిస్థితిప్పుడు. అనుకోకుండా కొన్ని సినిమాలు అంచనాలు లేకుండానే అదిరిపోయే హిట్స్‌ ఇస్తున్నాయి. అలాంటి వాటల్లోనే ప్రస్తుతం దుమ్ము రేపుతున్న సినిమా 'ఆర్‌ ఎక్స్‌ 100'. 

యూత్‌లో బడా క్రేజ్‌ ఉన్న పేరు ఇది. అయితే ఈ సినిమా కారణంగా ఇప్పుడు తెలుగు రాష్ట్రాల్లో మార్మోగిపోతోందీ పేరు. ఈ ఏరియా ఆ ఏరియా అనే తేడా లేకుండా అన్ని ఏరియాల్లోనూ ఈ సినిమా దుమ్ము దులిపేస్తోంది. బాక్సాఫీస్‌ కలెక్షన్లు ఇరగదీసేస్తోంది. సోమవారం కూడా ఎక్కడా వసూళ్లు తగ్గలేదు. చాలా ధియేటర్స్‌ వద్ద హౌస్‌ఫుల్‌ బోర్డులు కనిపించాయి. అంటే ఏ రేంజ్‌లో ఈ సినిమా హవా చూపిస్తుందో అర్ధం చేసుకోవచ్చు. 

డైరెక్టర్‌ అజయ్‌ భూపతికి పెద్ద బ్యానర్‌లో ఛాన్సులొస్తున్నాయి. కోరి కోరి తమ బ్యానర్‌లో సినిమాలు చేయాలంటూ ఫ్రీ ఆఫర్లు ఇస్తున్నారు నిర్మాతలు. మినిమమ్‌ బడ్జెట్‌లోనే ఇంత బాగా తెరకెక్కించాడు. ఇక ఓ రేంజ్‌ బడ్జెట్‌లో సినిమా అంటే అజయ్‌ భూపతి ఎలాంటి మాయాజాలం చేస్తాడో అంటూ సీనియర్‌ నిర్మాతలు కూడా ముందుకొస్తున్నారు. 

ఇకపోతే 'ఆర్‌ ఎక్స్‌ 100' సినిమా విషయానికి వస్తే, హీరోయిన్‌ పెద్ద ప్లస్‌ పాయింట్‌. గ్లామర్‌ విషయం పక్కన పెడితే, యాక్టింగ్‌ పరంగా కూడా పాయల్‌ రాజ్‌పుత్‌ తానేంటో ప్రూవ్‌ చేసుకుంది. తొలి సినిమాకే ఇంత ప్రాధాన్యత ఉన్న పాత్ర దక్కడం ఆమె అదృష్టం. అస్సలు మొహమాటం లేని గ్లామ ర్‌ యాంగిల్‌తో పాటు, యాక్టింగ్‌ టాలెంట్‌ కూడా ఉండడంతో పాయల్‌ రాజ్‌పుత్‌కీ అవకాశాలు జోరందుకుంటున్నాయన్న ప్రచారం జరుగుతోంది.