భారీ బడ్జెట్‌తో రూపొందుతోన్న చిత్రం 'సాహో'. ఇప్పటికే సినిమాపై అంచనాలను అందుకునేలా బజ్‌ తీసుకురాలేకపోతున్నామని చిత్ర యూనిట్‌ ఆందోళనలో ఉండగా, మరోవైపు, సినిమాపై నెగిటివ్‌ ప్రచారం జరుగుతోంది. 'సాహో'కి అంత సీన్‌ లేదనీ, రిలీజ్‌ అయ్యేంత వరకూ అనుమానమే.. అంటూ రకరకాల గాసిప్స్‌ పుట్టిస్తున్నారు. విడుదల తేదీ దగ్గర పడుతున్న ఈ తరుణంలో సినిమాపై ఇలాంటి దుష్ప్రచారం విచారకరమే.
అయితే, వన్స్‌ సినిమా విడుదలయ్యాక సినిమాలో కంటెంట్‌ ఉంటే, దాని సక్సెస్‌ని ఆడ్డుకోవడం ఎవ్వరి తరమూ కాదు. కానీ, అంతకన్నా ముందే, సినిమాపై అంచనాలు క్రియేట్‌ చేయడంలోనూ యూనిట్‌ స్టామినా చూపించాల్సి ఉంటుంది. 'సాహో' విషయంలో ఆ స్టామినా ఎంతో ఈ నెల రోజుల్లో తెలిసిపోతుంది. ఇప్పటికే ఓ పక్క పోస్ట్‌ ప్రొడక్షన్‌ పనులు, ఇంకోపక్క ప్రమోషన్స్‌ వేగవంతం చేసింది 'సాహో'.
అయితే ఇది చాలదు. ఇంకొంచెం కావాలి.. అంటూ ఫ్యాన్స్‌ ప్రబాస్‌పై ఒత్తిడి తెస్తున్నారట. ఆ ఒత్తిడిని తట్టుకునేందుకు ప్రబాస్‌ ఓ కొత్త ప్లాన్‌ వేశాడనీ తెలుస్తోంది. ఫ్యాన్స్‌కి కిర్రాక్‌ పుట్టేలా ఓ సర్‌ప్రైజ్‌ ప్లాన్‌ చేస్తున్నాడట. ఆ ఒక్కటి చాలు, 'సాహో'పై అంచనాల్ని ఆకాశానికెత్తేందుకు.. అని ఇన్‌సైడ్‌ సోర్సెస్‌ ద్వారా టాక్‌ వినిపిస్తోంది.
