'జయం' సినిమాతో టాలీవుడ్‌కి పరచయమైన బ్యూటీ సదా. తేజ డైరెక్షన్‌లో వచ్చిన ఈ సినిమా అప్పట్లో సంచలనాత్మక విజయాన్ని అందుకుంది. ఆ తర్వాత తెలుగులో పలు చిత్రాల్లో నటించింది ముద్దుగుమ్మ సదా. ఈ ముద్దుగుమ్మ కెరీర్‌లో 'అపరిచితుడు' సినిమా బిగ్గెస్ట్‌ హిట్‌గా చెప్పుకోవచ్చు. ఆ తర్వాత పలు చిత్రాల్లో నటించినప్పటికీ హీరోయిన్‌గా ముద్దుగుమ్మ సదాకి అంతగా గుర్తింపు దక్కలేదు.
గత కొంత కాలంగా సినిమాల్లో కనిపించడం లేదు సదా. అయితే ఈ మధ్యనే సదా నటిస్తోన్న ఓ చిత్రం వార్తల్లోకొచ్చింది. అదే 'టార్చ్‌లైట్‌'. సల్మాన్‌ ఖాన్‌ నటించింది 'ట్యూబ్‌లైట్‌' అయితే ఇది సదా 'టార్చ్‌లైట్‌'. చిత్రం టైటిల్‌ విచిత్రంగా ఉంది. ఫస్ట్‌లుక్‌ పోస్టర్‌ కూడా ఇంట్రెస్టింగ్‌గా ఉంది. సదా వెనక్కి తిరిగి తన బ్యాక్‌ బోల్డ్‌ ని ఎక్స్‌పోజ్‌ చేస్తున్నట్లుగా ఉంది. అలాగే ఈ సినిమాలో సదా క్యారెక్టర్‌ సరికొత్తగా ఉండనుందట.
ఇంతకు ముందెన్నడూ కనిపించనంత కొత్త గ్లామర్‌తో సదా ఈ సినిమాలో కనిపిస్తుందట. మాజిద్‌ దర్శకత్వంలో తెరకెక్కుతోన్న సినిమా ఇది. తమిళంలో రూపొందుతోంది. తెలుగు, మలయాళ భాషల్లో కూడా విడుదల చేయనున్నారు. సినిమాలకు దూరమయ్యాక ముద్దుగుమ్మ సదా ఓ టీవీ ఛానెల్‌లో డాన్స్‌ ప్రోగ్రాంకి జడ్జ్‌గా వ్యవహరిస్తున్న సంగతి తెలిసిందే. ఈ తాజా చిత్రంతో సదా మళ్లీ ఫామ్‌లోకి వస్తుందేమో చూడాలిక.
