తొలి సినిమా నుండీ మేనమామలను మక్కీకి మక్కీ దించేస్తూ కెరీర్‌ స్టార్టింగ్‌లో విజయాలు చవిచూసి, ఇప్పుడు వరుస పరాజయాలతో రేసులో వెనకబడిపోయిన మెగా మేనల్లుడు సాయి ధరమ్‌ తేజ్‌ కొంచెం రియలైజ్‌ అయ్యాడట. వరుసగా మూస కథలను ఎంచుకుని ఈ మధ్య బొక్క బోర్లా పడ్డాడు. దాంతో కథల విషయంలో అతి జాగ్రత్తలు తీసుకుంటున్నాడట. సొంత ఆలోచనలు పక్కన పెట్టేసి, స్నేహితులు, శ్రేయోభిలాషుల సలహాలు తీసుకుంటున్నాడట. అందులో భాగంగానే కిషోర్‌ తిరుమల డైరెక్షన్‌లో 'చిత్రలహరి' సినిమాకి సైన్‌ చేశాడు.

తాజాగా సెట్స్‌ మీదికెళ్లిన ఈ సినిమా లవ్‌ అండ్‌ రొమాంటిక్‌ ఎంటర్‌టైనరే కానీ, ఈ సినిమాలో సాయి ధరమ్‌ తేజ్‌ని డైరెక్టర్‌ కిషోర్‌ తిరుమల సరికొత్తగా ప్రజెంట్‌ చేయనున్నాడట. తేజు కూడా ఈ సారి అస్సలు ఛాన్స్‌ తీసుకోవడం లేదట. ఫ్యాన్స్‌ తన నుండి ఏం ఎక్స్‌పెక్ట్‌ చేస్తారో ఆ అవుట్‌ పుట్‌ ఇచ్చేందుకు సిద్ధంగా ఉన్నాడనీ తెలుస్తోంది. 

మరోవైపు తేజు ఇంకా మారలేదనే వాదన వినిపిస్తోంది. మేనమామలను ఇమిటేట్‌ చేయడంలో. ఈ సినిమా కోసం ఓ రీమిక్స్‌ సాంగ్‌ ప్లాన్‌ చేస్తున్నాడట. ఆల్రెడీ మెగాస్టార్‌ చిరంజీవి సినిమాల్లోని రెండు పాపులర్‌ సాంగ్స్‌ని రీమిక్స్‌ చేసేసిన తేజు, ఈ సారి చిన్న మామయ్య పవన్‌ కల్యాణ్‌ సినిమాలోని సాంగ్‌ని రీమిక్స్‌ చేసే యోచనలో ఉన్నాడనీ తెలుస్తోంది. 

నివేదా పేతురాజ్‌, 'హలో' ఫేం కళ్యాణీ ప్రియదర్శిని హీరోయిన్లుగా నటిస్తున్నారు.