సుప్రీమ్ హీరో సాయి ధరం తేజ్ తాజా చిత్రం జవాన్ కి సంబందించిన ఆడియో విడుదల కార్యక్రమం మొన్న ఆదివారం హైదరాబాద్ లో జరిగిన విషయం మనకి విదితమే.

ఇక ఈ జవాన్ చిత్రం ట్రైలర్ ఎల్లుండి అనగా నవంబర్ 23న విడుదల చేయనున్నట్టు సమాచారం. దీనికి సంబంధించి అధికారిక ప్రకటన కూడా వెలువడింది, ఇక ఇప్పటికే జవాన్ చిత్రంలోని పాటలకి మంచి రెస్పాన్స్ ఆడియన్స్ నుండి వస్తుండగా ఇప్పుడు అందరి దృష్టి ట్రైలర్ పైన పడింది.

మొత్తానికి సుప్రీమ్ హీరో ఈ చిత్రంతో భారీ హిట్ కొడతాడు అని మొన్న ఆడియో విడుదలకి విచ్చేసిన ప్రముఖులంతా ఆకాంక్షించారు. అలాగే సాయి ధరం సరసన గోల్డెన్ లెగ్ మెహ్రీన్ ఈ చిత్రంలో ఉండటం కూడా జవాన్ కి కలిసివచ్చే అంశం.

ఇక ఇంకొక రెండు రోజుల్లో జవాన్ మనముందుకు రానున్నాడు ట్రైలర్ రూపంలో...