సాయి ధరమ్‌ తేజ్‌ హీరోగా తెరకెక్కుతోన్న చిత్రం 'జవాన్‌'. ఈ సినిమా షూటింగ్‌ దాదాపుగా చివరి దశకు చేరుకుంది. సెప్టెంబరులో సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తోంది చిత్ర యూనిట్‌. బి.వి.యస్‌.రవి దర్శకత్వంలో ఈ సినిమా తెరకెక్కుతోంది. 'కృష్ణగాడి వీర ప్రేమగాధ' ఫేం మెహరీన్‌ కౌర్‌ ఈ సినిమాలో తేజుకి జంటగా నటిస్తోంది. ఓ మిడిల్‌ క్లాస్‌ కుర్రోడి జీవిత గాధే 'జవాన్‌'. సాధారణంగా మిడిల్‌ క్లాస్‌ కాన్సెప్ట్‌లో చాలానే స్టోరీలు తెరకెక్కాయి. కానీ ఈ సినిమా వాటన్నింట్లోకీ వెరీ వెరీ స్పెషల్‌ అట. దేశాన్ని రక్షించేందుకు జవాన్‌ ఎలా కష్టపడతాడో, అలాగే తన కుటుంబాన్ని కాపాడుకోవడానికి మన జవాన్‌ అలా కష్టపడతాడట. ఆ కష్టంలోంచి పుట్టే స్టోరీనే ఈ జవాన్‌. అయితే అదే కాన్సెప్ట్‌ని డైరెక్టర్‌ తెరకెక్కించిన విధానం ఆకట్టుకుంటుందంటున్నారు చిత్ర యూనిట్‌. అలాగే సాయి ధరమ్‌ తేజ్‌ నటన ఈ సినిమాకి ప్రధాన ఆకర్షణగా నిలవనుందట. అలాగే మెహరీన్‌, తేజు జంట చూడ ముచ్చటగా ఉంటుందంటున్నారు. అన్ని కమర్షియల్‌ ఎలిమెంట్స్‌తో పాటు, మనసుకు హత్తుకునే మూమెంట్స్‌ ఈ సినిమాలో చాలా ఉంటాయట. సినిమా చూసి వచ్చినాక కూడా కొన్ని సీన్స్‌ వెంటాడేస్తాయట. అంత గొప్పగా ఈ సినిమాని తెరకెక్కించారట. చక్కటి ఫ్యామిలీ ఎంటర్‌టైనర్‌గా ఈ సినిమా తెరకెక్కుతోంది. తేజు ఎలాంటి క్యారెక్టర్‌కైనా ఫ్లెక్సిబుల్‌. అంతేకాదు, ఈ సినిమాలో చాలా మెచ్యూర్డ్‌గా కనిపిస్తాడట. మరో పక్క కృష్ణవంశీ 'నక్షత్రం' సినిమాలో తేజు పోలీసాఫీసర్‌గా సీరియస్‌ క్యారెక్టర్‌లో కనిపించనున్నాడు.
