ఈ నెల 15వ తేదీ నుండి ప్రపంచ తెలుగు మహాసభలు హైదరాబాద్ నందు చాలా వైభవంగా జరగనున్నాయి.
ఈ నేపధ్యంలోనే హీరోలు విజయ్ దేవరకొండ, సాయి ధరం తేజ్ లు ఈ తెలుగు మహాసభల కోసం ప్రత్యేకంగా రూపొందిస్తున్న పాటలలో యాక్ట్ చేస్తున్నారు. ఈ పాటలకి దర్శకులు హరీష్ శంకర్, వంశీ పైడిపల్లి దర్శకత్వం వహిస్తున్నారు.
త్వరలోనే ఈ పాటలు విడుదల కానున్నాయి. ఇప్పటికే ఈ పాటల చిత్రీకరణ జరుగుతుండగా, ఈ పాటలకి సాహిత్యం రాసింది ప్రముఖ పాటల రచయత అయిన చంద్రబోస్. ఇక ఈ పాటలు ఎలా ఉండబోతున్నాయి అన్న ఆసక్తి అందరిలోను నెలకొని ఉంది.
మొత్తానికి విజయ్, సాయి ధరం లు ఇలా తెలుగు భాష కోసం చేసిన పాటల్లో పాల్గొనడం నిజంగా అభినందించదగ్గ విషయం.
