నటసింహం బాలకృష్ణ ఈ మధ్యన అమరావతిలో ప్రధానమంత్రి నరేంద్ర మోడీ పైన చేసిన వ్యాఖ్యలు వివాదాస్పదంగా మారిన సంగతి విదితమే.
ఇక ఆ వ్యాఖ్యల పైన పలువురు సెలబ్రిటీలు తమతమ అభిప్రాయలు వ్యక్తం చేస్తున్నారు. ఈ తరుణంలో ప్రముఖ నటుడు సాయి కుమార్ కూడా ఈ అంశం పై మాట్లాడుతూ- ఎవ్వరి పైన కూడా వ్యక్తిగత విమర్శలు చేయడం మంచిది కాదు అని తన అభిప్రాయాన్ని కుండబద్దలు కొట్టేశాడు.
దీనితో ఇప్పుడు ఈ అంశం మరింత హైలైట్ గా మారింది. ఎందుకంటే- సాయి కుమార్ ప్రస్తుతం కర్ణాటక రాష్ట్రంలోని బాగేపల్లి నియోజకవర్గం నుండి BJP తరపున పోటీ చేస్తున్నారు. ఇక ఇప్పుడు ఈ వ్యాఖ్యలు రాజకీయంగా మారే అవకాశం కూడా ఉన్నట్టు పొలిటికల్ వర్గాలు అభిప్రాయపడుతున్నారు.
మొత్తానికి బాలకృష్ణ వ్యాఖ్యలు ఇప్పుడు హాట్ టాపిక్ గా మారిపోయాయి.
