ఇప్పుడు ఎక్కడ విన్నా, ఆ ముద్దుగుమ్మ పేరే. అంతలా టాలీవుడ్‌నీ మెస్మరైజ్‌ చేసేసింది ఆ బ్యూటీ. 'ప్రేమమ్‌' సినిమాతో కోలీవుడ్‌ ప్రేక్షకుల మనసును గెలచుకున్న అందాల భామ సాయి పల్లవి గురించే ఇదంతా. ఈ ముద్దుగుమ్మ ప్రస్తుతం తెలుగులో 'ఫిదా' చిత్రం ద్వారా తెరంగేట్రం చేస్తోంది. సినిమా రిలీజ్‌ కాకుండానే, అమ్మడి అప్పియరెన్స్‌కి అంతా ఫిదా అయిపోతున్నారు. ట్రైలర్స్‌తోనే మెప్పించేస్తోంది ఈ ముద్దుగుమ్మ. ట్రైలర్స్‌తోనే వందకి వంద మార్కులు వేయించేసుకుంటోంది. ఇక సినిమా విడుదలైతే అమ్మడికి వచ్చే క్రేజ్‌ ఏ రేంజ్‌లో ఉంటుందో ఊహించడమే కష్టంగా ఉంది. తెరంగేట్రం చేస్తోన్న సినిమానే అయినప్పటికీ, తన పాత్రకి తానే సొంతంగా డబ్బింగ్‌ చెప్పుకుంది ఈ ముద్దుగుమ్మ. అందులోనూ తెలంగాణా స్లాంగ్‌లో ఉండే తన పాత్రకి డబ్బింగ్‌ అంటే చాలా కాంప్లికేటెడ్‌. అలాంటిది ఆరంభంలోనే తెలుగు నేర్చుకోవడంతో పాటు, తెలంగాణా యాసలో సాయి పల్లవి చెప్పిన డైలాగులు అందర్నీ ఎట్రాక్ట్‌ చేసేస్తున్నాయి. యూత్‌కి అమ్మడు బాగా కనెక్ట్‌ అయిపోతోంది. నేచురల్‌ ఫీచర్స్‌తో మెరిసిపోతోన్న సాయి పల్లవి పక్కన మెగా ప్రిన్స్‌ వరుణ్‌తేజ్‌ మరీ హ్యాండ్‌సమ్‌గా కనిపిస్తున్నాడు. శేఖర్‌ కమ్ముల డైరెక్షన్‌లో ఈ సినిమా తెరకెక్కుతోంది. త్వరలోనే ఈ సినిమా ప్రేక్షకుల ముందుకు రానుంది.