బాలీవుడ్ సూపర్ స్టార్ సల్మాన్ ఖాన్ పక్కన నటించిన ఒక హీరోయిన్ ఇప్పుడు ప్రాణాపాయ స్థితిలో ఉంది.
ఆ వివరాల్లోకి వెళితే, సల్మాన్ ఖాన్ పక్కన వీర్ ఘటి అనే చిత్రంలో హీరోయిన్ గా నటించిన పూజా దడ్వాల్ ఇప్పుడు తీవ్ర ఆనారోగ్యంతో బాధపడుతుంది. ఆమెకి క్షయ వ్యాధి ఉన్నట్టు వైద్యులు గుర్తించారు. ఇక ఈ విషయం తెలిసాక సహాయం కోసం హీరో సల్మాన్ ఖాన్ ని కలిసేందుకు ప్రయత్నించగా వీలుపడలేదు అని చెప్పుకొచ్చింది.
ఇక ప్రస్తుతం ఆమె వైద్యానికి సరిపడా డబ్బు తన వద్ద లేదు అని గోవాలోని ఒక కోర్స్ చేయడం వల్ల తన వద్ద ఉన్న డబ్బు అయిపొయింది అని తెలిపింది. తనకి ఇప్పుడు వైద్యం చాలా అవసరం అని ఎవరైనా సహాయం చేయాలి అని విజ్ఞప్తి చేస్తున్నది.
మరి ఈ వార్త సల్మాన్ ఖాన్ వద్దకి ఇంకా చేరి ఉండదు. ఆయనకీ గనుక తెలిస్తే కచ్చితంగా స్పందిస్తారు అని అందరు చెబుతున్నారు.
