ఈ ఏడాది సమంత, నాగ చైతన్యను వివాహం చేసుకుంది. అక్కినేని వారింటి కోడలైంది. అలా 2017 సంవత్సరం సమంతకు లైఫ్‌లో స్పెషల్‌ ఇయర్‌. అలా తెలుగు, తమిళ ఇండస్ట్రీ అంతా సమంత పెళ్లి గురించే మాట్లాడుకున్నారు. సో స్పెషల్‌ వెడ్డింగ్‌ ఇది ఈ ఏడాదిలో. 

అయితే సినిమా కెరీర్‌ పరంగా ఈ ఏడాదిలో సమంత నటించిన సినిమాలు పెద్దగా లేవు. కానీ చైతూతో వివాహం అయిన వెంటనే విడుదలైన చిత్రం 'రాజుగారి గది - 2'. ఈ చిత్రంలో సమంత భిన్న పాత్రలో నటించింది. అదే దెయ్యం పాత్ర. ఇంతవరకూ సమంత నటించని పాత్ర అది. అలా ఈ క్యారెక్టర్‌, ఈ సినిమా సమంతకు సో స్పెషల్‌ అనుకుంటే, ఈ సినిమాలో తన మామగారైన నాగార్జునతో కలిసి సమంత స్క్రీన్‌ని షేర్‌ చేసుకోవడం మరో ముఖ్యమైన విషయం. నాగార్జున ప్రధాన పాత్రలో నటించిన ఈ సినిమాలో సమంతది కీలక పాత్ర కావడం విశేషం. సినిమా మంచి విజయం సాధించింది. ఇదంతా ఈ ఏడాదికి సంబంధించిన స్పెషల్‌ అనుకుంటే, వచ్చే ఏడాది సమంతకు మరిన్ని స్పెషల్స్‌ ఉన్నాయి.

వచ్చే ఏడాది మొదట్లో సమంత తమిళంలో నటిస్తున్న 'అభిమన్యుడు' సినిమా విడుదల కానుంది. విశాల్‌ హీరోగా నటిస్తున్నాడు ఈ సినిమాలో. జనవరిలో ఈ సినిమా ప్రేక్షకుల ముందుకు రానుంది. కాగా అత్యంత ప్రతిష్ఠాత్మక చిత్రం 'రంగస్థలం' విడుదల కూడా 2018లోనే. సుకుమార్‌ దర్శకత్వంలో తెరకెక్కుతోన్న ఈ సినిమా 2018 మార్చి 30న ప్రేక్షకుల ముందుకు రానుంది. రామ్‌చరణ్‌తో తొలిసారిగా సమంత జత కట్టిన సినిమా ఇది. ఈ సినిమాలో సమంత క్యారెక్టర్‌ సరికొత్తగా ఉండబోతోంది. 

ఇవన్నీ ఒకెత్తు కాగా, 'మహానటి' చిత్రం కూడా ఈ సంవత్సరంలోనే విడుదల కానుంది. ఈ సినిమాలో సమంత ఓ ఇంపార్టెంట్‌ రోల్‌ పోషిస్తోంది. కీర్తి సురేష్‌ లీడ్‌ రోల్‌ పోషిస్తోన్న ఈ సినిమాలో సమంతది కీలక పాత్ర కావడం విశేషం. అలా 2018 సమంతకి సో స్పెషల్‌ అంటోంది. ఇవి కాక మరి కొన్ని కొత్త ప్రాజెక్టులు ఈ ఏడాదిలో పట్టాలెక్కనున్నాయట. పూర్తి కానున్నాయట కూడా.