బిగ్‌ స్క్రీన్‌పై కమర్షియల్‌ పాత్రలు పోషించేసింది. ప్రాధాన్యత ఉన్న పాత్రలూ పోషించేసింది. 'ఓ బేబీ'లో ఎమోషన్‌ పండించి తానెంత గొప్ప నటి.. అని కూడా తేల్చేసింది. ఇక మిగిలిందల్లా, ఒకే ఒక్క కోరికట. నెగిటివ్‌ రోల్‌లో కనిపించడం. ఇంతకీ ఎవరి గురించి మాట్లాడుకుంటున్నామో అర్ధమైంది కదా. అవును అక్షరాలా అక్కినేని కోడలు సమంత గురించే. ఈ మధ్య సమంత నటించిన సినిమాలు ఒకదాన్ని మించి ఒకటి అన్నట్లుగా సక్సెస్‌తో పాటు, మంచి ప్రశంసలు దక్కించుకుంటున్నాయి.
అయితే, 'ఓ బేబీ' తర్వాత సమంత నటించే సినిమా ఏంటీ.? అంటే ప్రస్తుతానికి సస్పెన్సే. సినిమా సంగతి పక్కన పెడితే, సమంత ఓ వెబ్‌ సిరీస్‌లో నటిస్తుందన్న సంగతి తెలిసిందే. డిజిటల్‌ మీడియాలో సక్సెస్‌ఫుల్‌ వెబ్‌ సిరీస్‌గా పేరొందిన 'ఫ్యామిలీ మెన్‌' సెకండ్‌ సిరీస్‌లో సమంత నటిస్తోంది. ఈ సిరీస్‌కి సమంత పాత్రే అత్యంత కీలకం కానుందట. ఇంకీ సమంత పాత్రేంటో తెలుసా? జనాన్ని భయపెట్టించే టెర్రరిస్ట్ పాత్రనీ ప్రచారం జరుగుతోంది. టెర్రరిస్ట్ అంటే ఖచ్చితంగా నెగిటివ్‌ షేడ్స్‌ ఉంటాయి.
అంటే, సమంత పోషించేది విలన్‌ పాత్రేనా.? ఏమో అవుననే అంటున్నాయి డిజిటల్‌ మీడియా వర్గాలు. ఒకవేళ అదే నిజమైతే, సమంత ఇంతవరకూ బిగ్‌ స్క్రీన్‌పై పోషించని పాత్రే ఇది. అంతేకాదు, అత్యంత విలక్షణమైన పాత్ర కూడా. ఈ ప్రచారంతో సమంత అభిమానులు ఈ వెబ్‌ సిరీస్‌ కోసం ఆసక్తిగా ఎదురు చూస్తున్నారు. మరోపక్క శామ్‌ని విలన్‌గా చూడగలమా? అనే అనుమానాలు కూడా వ్యక్తం చేస్తున్నారు. ఏమో చూడాలి మరి.
