పెళ్ల‌య్యాక క‌థ‌ల ఎంపిక‌లో చాలా జాగ్ర‌త్త‌లు పాటిస్తోంది స‌మంత‌. త‌క్కువ సినిమాలు ఎంచుకున్నా, క‌థ‌, క‌థ‌నాల్లో త‌న‌కంటూ ప్రాధాన్యం ఉన్న సినిమాలే ఎంచుకుంటోంది. 2019లో త‌న నుంచి మ‌జిలీ, ఓ బేబీ సినిమాలొచ్చాయి. రెండింటిలోనూ త‌న పాత్రే హైలెట్‌. ఓ బేబీ త‌ర‌వాత తెలుగులో ఒప్పుకున్న సినిమాలేం లేవు. తాజాగా ఓ లేడీ ఓరియెంటెట్ క‌థ‌కు ఓకే చెప్పింద‌ని తెలుస్తోంది.

అశ్విన్ శ‌ర‌వ‌న‌న్ అనే ద‌ర్శ‌కుడి క‌థ‌కు స‌మంత ఓకే చెప్పింద‌ని తెలుస్తోంది. ఇది వ‌ర‌కు న‌య‌న‌తార‌తో `మాయ‌`, తాప్సితో `గేమ్ ఓవ‌ర్‌` చిత్రాల్ని రూపొందించాడు శ‌ర‌వ‌న‌న్‌. రెండూ లేడీ ఓరియెంటెడ్ సినిమాలే. ఇప్పుడు స‌మంత‌తో ఫిక్స‌యిన‌ట్టు తెలుస్తోంది. ఈ చిత్రానికి సంబంధించిన నిర్మాణ బాధ్య‌త‌ల్నీ తానే తీసుకోవాల‌ని చూస్తున్న‌ట్టు టాక్‌. త్వ‌ర‌లోనే అధికారిక ప్ర‌క‌ట‌న రావొచ్చు.