సమంత ప్రధాన పాత్రలో తెరకెక్కుతోన్న 'ఓ బేబీ' చిత్రం నెక్స్‌ట్‌ మంత్‌ ప్రేక్షకుల ముందుకు రానుంది. ప్రచార చిత్రాలతో ఈ సినిమాపై భారీగా అంచనాలు క్రియేట్‌ చేస్తున్నారు. ఇదిలా ఉంటే, ఈ సినిమా ఇంకా తెలుగులో విడుదల కాకుండానే బాలీవుడ్‌ కన్ను ఈ సినిమాపై పడిందనీ సమాచారమ్‌. బాలీవుడ్‌లో ఓ ప్రముఖ నిర్మాత ఈ సినిమాని రీమేక్‌ చేసే పనిలో ఉన్నాడట. ఆల్రెడీ ఆ దిశగా ఏర్పాట్లు కూడా సిద్ధం చేసేశాడట. టైటిల్‌ రోల్‌లో పాపులర్‌ హీరోయిన్‌ నటించే అవకాశాలున్నాయనీ తెలుస్తోంది.
ఇంకా పూర్తి వివరాలు వెల్లడి కావాల్సి ఉంది. త్వరలోనే వివరాలు ప్రకటించనున్నారట సదరు నిర్మాత. ఇదిలా ఉంటే, తెలుగులో నందినీ రెడ్డి దర్శకత్వంలో తెరకెక్కుతోన్న ఈ సినిమా జూలై 5న విడుదల కానుంది. కొరియన్‌ మూవీ తెలుగు రీమేక్‌గా తెరకెక్కుతోన్న 'ఓ బేబీ' తెలుగు ఆడియన్స్‌కి స్పెషల్‌ కిక్‌ ఇచ్చేందుకు రెడీ అయిపోతోంది. యంగ్‌ హీరో నాగశౌర్యతో పాటు, రాజేంద్రప్రసాద్‌, రావు రమేష్‌, తేజ తదితరులు కీలక పాత్రలు పోషిస్తున్నారు.
సమంత పర్‌ఫామెన్స్‌ ఈ సినిమాలో హైలైట్‌. సీనియర్‌ నటి లక్ష్మీ పాత్రకు ప్రాధాన్యత ఉంది. సినిమా అంతా లక్ష్మీ పాత్ర చుట్టూనే తిరగడం ఈ సినిమాలోని స్పెషాలిటీ. 70ఏళ్ల బామ్మ ఎలా టీనేజ్‌ గాళ్‌లా మారిపోయింది అనేదే 'ఓ బేబీ' స్టోరీ. ఆశక్తిగొలుపుతున్న ఈ కథ పూర్తిగా రివీల్‌ కావాలంటే, జూలై 5 వరకూ వేచి చూడాల్సిందే. మిక్కీ.జె.మేయర్‌ మ్యూజిక్‌లో విడుదలైన టైటిల్‌ సాంగ్‌కి మంచి రెస్పాన్స్‌ అందుతోంది.
