సంజయ్ దత్ జీవితాన్ని ఆధారం చేసుకుని తీసిన చిత్రం సంజు. ఇప్పుడు దేశం మొత్తం ఈ సినిమా గురించి, సినిమాలో సంజయ్ దత్ గా నటించిన రన్బీర్ కపూర్ నటన గురించి మాట్లాడుకుంటున్నారు. ఈ చిత్రానికి మొన్న ఉదయం షో నుండే పాజిటివ్ టాక్ రావడం మొదలైంది.
ఇక ఇంతటి ఆదరణ దక్కుతున్న ఈ చిత్రానికి కలెక్షన్స్ కూడా అదే స్థాయిలో వస్తున్నాయి. తొలిరోజు ఈ చిత్రానికి సుమారు రూ 35 కోట్లు రాగా రెండవ రోజు అయిన నిన్న రూ 39 కోట్లు వచ్చాయి. దీనితో రెండు రోజుల్లోనే రూ 74 కోట్లు కొల్లగొట్టింది. మూడవరోజు ఆదివారం కావడంతో ఈ వసూళ్ళు కచ్చితంగా రూ 100కోట్ల మార్క్ దాటేయడం ఖాయం అని ట్రేడ్ వర్గాల అంచనా వేస్తున్నాయి.
ఏదేమైనప్పటికీ ఈ చిత్రంతో రన్బీర్ కపూర్ కి తన కెరీర్ లోనే ఒక అతిపెద్ద కమర్షియల్ హిట్ కొట్టాడు అన్న భావన అందరిలోనూ వ్యక్తమవుతున్నది. మూడురోజుల్లోనే రూ 100 కోట్ల మార్క్ దాటనున్న ఈ చిత్రం రూ 200 కోట్ల మార్కుని కూడా దాదాపు పది రోజుల లోపే దాటేస్తుంది అన్న విశ్లేషణలు నడుస్తున్నాయి.
