అల్లు అర్జున్‌ హీరోగా తెరకెక్కుతోన్న చిత్రం 'డిజె - దువ్వాడ జగన్నాధమ్‌' టీజర్‌ రాకెట్‌లా జనంలోకి దూసుకొచ్చింది. ఇంకేముంది వస్తూ వస్తూనే సంచలనాలు షురూ చేసింది. క్షణాల్లో ఈ టీజర్‌ వైరల్‌ అయిపోయింది. సోషల్‌ మీడియాలో అల్లు అర్జున్‌కి ఫుల్‌ ఫాలోయింగ్‌ ఉంది. దాంతో లైక్స్‌, డిజ్‌లైక్స్‌ పేరిట సోషల్‌ మీడియాలో రచ్చ మొదలైపోయింది. దేవిశ్రీ ప్రసాద్‌ మ్యూజిక్‌లో రూపొందిన ఈ చిత్రంలోని మొదట పాటని ఆడియో సింగిల్స్‌ ద్వారా విడుదల చేశారు. హీరో ఇంట్రడక్షన్‌ సాంగ్‌లా ఉన్న ఈ పాట ఫ్యాన్స్‌కి హోరెత్తించేస్తోంది. ఈ మధ్యకాలంలో కొత్త తరహా పాటలకు శ్రీకారం చుడుతున్నారు. ఆ కోవలోనే ఈ పాట కూడా వచ్చింది. 'శరణం బజే' అంటూ సాగే ఈ పాటకి దేవి శ్రీప్రసాద్‌ తనదైన ఆర్క్రెస్ట్రాతో 'డిజె - దువ్వాడ జగన్నాథమ్‌'కి న్యూ ఫ్లేవర్‌ తీసుకువచ్చాడు. దేవిశ్రీ - బన్నీ కాంబినేషన్‌లో సాంగ్స్‌ అంటే పూనకమొచ్చేశాలానే ఉంటాయి ఫ్యాన్స్‌కి. అలాగే ఈ సినిమాలో కూడా పాటలు చాలా కొత్తగా జోష్‌గా రూపొందించాడట రాకింగ్‌ మ్యూజిక్‌ ఇచ్చారు దేవిశ్రీ. ఈ తాజా సాంగ్‌ టీజర్‌ తో ఫ్యాన్స్‌ ఫుల్‌ పండగ చేసుకుంటున్నారు. ముద్దుగుమ్మ పూజా హెగ్దే హీరోయిన్‌గా నటిస్తోంది ఈ సినిమాలో. జూన్‌ 23న ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.