బిగ్ బాస్ 5 నుంచి యూ ట్యూబ్ స్టార్ స‌ర‌యూ బ‌య‌ట‌కు వ‌చ్చేసింది. ఈ సీజ‌న్ లో తొలి ఎలిమినేష‌న్ ఆమెదే. నిజానికి స‌ర‌యూ ఇంకొన్ని రోజులు బిగ్ బాస్ హౌస్ లో ఉంటుంద‌ని అనుకున్నారంతా. కానీ అనూహ్యంగా ఒక్క వారానికే పెట్టే బేడా స‌ర్దేసుకుంది. బ‌య‌ట‌కు వ‌స్తూ వ‌స్తూ... తాను చేసిన కామెంట్లు బిగ్ బాస్ హౌస్ లో పెద్ద దుమారాన్నే సృష్టించాయి. కొంత‌మందిపై తాను నెగిటీవ్ కామెంట్స్ చేసి - షాక్ ఇచ్చింది.

అయితే బిగ్ బాస్ 5 నుంచి స‌ర‌యూ ఎంత మేర పారితోషికం ప‌ట్టుకెళ్లింది? అనేది ఆస‌క్తిగా మారింది. స‌ర‌యు 7 రోజులో ఉన్నా, బాగానే గిట్టుబాటు అయింద‌ని స‌మాచారం. త‌న పారితోషికం రోజుకి 70 వేలుగా ఫిక్స‌య్యింద‌ట‌. ఆ మేర‌కు దాదాపు 5 ల‌క్ష‌ల వ‌ర‌కూ గిట్టుబాటు అయ్యింద‌నుకోవొచ్చు. వారానికి 5 ల‌క్ష‌లంటే.. మాట‌లా? ఈ ర‌కంగా స‌ర‌యు బాగానే వెన‌కేసిన‌ట్టు లెక్క. బిగ్ బాస్ తో కాస్తో కూస్తో క్రేజ్ పెంచుకుంది. త‌ద్వారా త‌న‌కు సినిమా అవ‌కాశాలు మొద‌లైనా ఆశ్చ‌ర్య‌పోవాల్సిన ప‌ని లేదు.