ద‌స‌రా బ‌రిలో కొన్ని పెద్ద సినిమాలు నిల‌బ‌డ్డాయి. ఆచార్య‌, అఖండ‌లు ఈసారి ద‌స‌రాకి వ‌స్తాయ‌ని ప్ర‌చారం జ‌రిగింది. అయితే... ఆచార్య విడుద‌ల లో గంద‌ర‌గోళం ఏర్ప‌డింది. ఈసినిమా ఎట్టిప‌రిస్థితుల్లోనూ ద‌స‌రాకి రాద‌ని స‌మాచారం. ఇప్పుడు అఖండ కూడా అదే దారిలో వెళ్ల‌బోతున్నాడ‌ట‌. ఈ సినిమాని సైతం వాయిదా వేయాల‌ని నిర్మాత‌లు భావిస్తున్న‌ట్టు స‌మాచారం. అదే జ‌రిగితే ద‌స‌రా బోసిబోతుంది. చిరంజీవి, బాల‌కృష్ణ లాంటి స్టార్లు లేక‌పోవ‌డం ఈ ద‌స‌రాకు పెద్ద లోటే. అయితే.. ఈ అవ‌కాశాన్ని వెంకీ అందిపుచ్చుకోవాల‌ని చూస్తున్నాడు. అఖండ కూడా వాయిదా ప‌డితే... త‌న దృశ్య‌మ్ 2ని థియేట‌ర్ల‌లో విడుద‌ల చేయాల‌ని భావిస్తున్నాడ‌ట‌. వెంకీ న‌టించిన `నారప్ప‌` ఓటీటీలో విడుద‌లైంది. దృశ్య‌మ్ 2 కూడా ఓటీటీకే ఇచ్చేశారు. హాట్ స్టార్ లో ఈ సినిమా స్ట్రీమింగ్ కానుంది. ద‌సరా కానుక‌గా ఈ సినిమాని హాట్ స్టార్ లో విడుద‌ల చేద్దాం అనుకున్నారు. అయితే అఖండ గ‌నుక‌... ద‌స‌రాకి రాక‌పోతే... ఆ అవ‌కాశాన్ని వాడుకోవాల‌ని వెంకీ చూస్తున్నాడు. అఖండ మిస్ అయితే... దృశ్య‌మ్ ని థియేట‌ర్ల‌లో విడుద‌ల చేస్తార‌ట‌. దీనిపై చిత్ర‌బృందం హాట్ స్టార్ తో సంప్ర‌దింపులు జ‌రుపుతోంద‌ని టాక్‌. అయితే ఓటీటీలోనూ, థియేట‌ర్ల‌లోనే ఈ సినిమా ఒకేసారి విడుద‌ల అవుతుందా? లేదంటే ముందు థియేట‌ర్ల‌లోకి వ‌చ్చి, ఆ త‌ర‌వాత ఓటీటీలోకి వ‌స్తుందా అనేది చూడాలి.

ద‌స‌రా బ‌రిలో కొన్ని పెద్ద సినిమాలు నిల‌బ‌డ్డాయి. ఆచార్య‌, అఖండ‌లు ఈసారి ద‌స‌రాకి వ‌స్తాయ‌ని ప్ర‌చారం జ‌రిగింది.