ఈ ఏడాది సంక్రాంతికి స్టైలిష్‌ స్టార్‌ బన్నీ, సూపర్‌ స్టార్‌ మహేష్ రూపంలో బాక్సాఫీస్‌ వద్ద గట్టి పోటీ నెటకొన్న సంగతి తెలిసిందే. నిజానికి ఒకేరోజు ఈ ఇద్దరూ బాక్సాఫీస్‌ని గడగడలాడించేందుకు సిద్దమైనా, తర్వాత నిర్మాతలు ఓ అండర్‌ స్టాండింగ్‌కి వచ్చి, మహేష్ ఒకరోజు ముందుకు రాగా, అల్లు అర్జున్‌ ముందుగా అనుకున్న డేట్‌కే ఫిక్సయ్యాడు. ఇక ఇప్పుడు ప్రీ రిలీజ్‌ ఈవెంట్స్‌ విషయంలోనూ ఇద్దరూ పోటీ పడుతున్నారు. ఈ రెండు సినిమాల ప్రీ రిలీజ్‌ ఈవెంట్స్‌ ఒకే రోజు జరుగుతుండడం విశేషం.
జనవరి 5న ఈ రెండు సినిమాల ప్రీ రిలీజ్‌ ఈవెంట్స్‌కి ముహూర్తం ఖరారు చేశారు. అయితే, 'అల..' ప్రీ రిలీజ్‌ ఈవెంట్‌కి విశాఖ ముస్తాబవుతుండగా, మహేష్ 'సరిలేరు..' ఈవెంట్‌ కోసం హైద్రాబాద్‌ ఎల్‌.బి.స్టేడియం ఘనంగా ముస్తాబవుతోంది. బన్నీ ఈవెంట్‌ కోసం చిరంజీవి, ఎన్టీఆర్‌ ముఖ్య అతిధులు కాగా, మహేష్ కోసం చరణ్‌ ముఖ్య అతిధిగా రానున్నాడనీ సమాచారం. మొత్తానికి ఈ రెండు సినిమాలూ ఏమాత్రం తగ్గకుండా.. నువ్వా.? నేనా.? అనే తీరుగానే బాక్సాఫీస్‌ పోరుకు సిద్ధమవుతుండడం ఇంట్రెస్టింగ్‌గా అనిపిస్తోంది.
