ఈ సంక్రాంతికి విడుద‌లై.. సంచ‌ల‌న విజ‌యం సాధించింది స‌రిలేరు నీకెవ్వ‌రు. మ‌హేష్ అందించిన వినోదం, అనిల్ రావిపూడి మార్క్ పంచుల‌తో - మ‌హా స‌ర‌దాగా సాగిపోయిందీ చిత్రం. ఈ సంక్రాంతికి విడుద‌లైన అల వైకుంఠ‌పురంతో పోటీ ప‌డి వ‌సూళ్లు సాధించింది. ఓ ద‌శ‌లో ఇండ్ర‌స్ట్రీ హిట్ మాదంటే మాదే అంటూ ఈ రెండు చిత్రాలూ కొట్టుకున్నాయి. చివ‌రికి నాన్ బాహుబ‌లి రికార్డు అల వైకుంఠ‌పుర‌ములోకి ద‌క్కితే.. మ‌హేష్ సినిమా మాత్రం ఆల్ టైమ్ టాప్ 5 జాబితాతో స‌రిపెట్టుకుంది.

ప్ర‌పంచ వ్యాప్తంగా ఈ చిత్రానికి 130 కోట్లు (షేర్‌) ల‌భించింది. దాదాపు అన్ని ఏరియాల్లోనూ బ‌య్య‌ర్లు లాభ‌ప‌డ్డారు. ఓవ‌ర్సీస్‌లో మాత్రం స్వ‌ల్ప న‌ష్టాలు వ‌చ్చిన‌ట్టు ట్రేడ్ వ‌ర్గాలు చెబుతున్నాయి. నైజాంలో ఈ చిత్రానికి 34 కోట్లు వ‌చ్చాయి. ఓవ‌ర్సీస్‌లో 11.5 కోట్లు సాధించింది. సీడెడ్‌లో 15 కోట్లు, ఉత్త‌రాంధ్ర‌లో 18 కోట్లు వ‌సూలు చేసింది. సినిమా విడుద‌లైన రెండో వారంలో అద‌న‌పు స‌న్నివేశాల్ని జోడించారు. అయితే రిపీటెడ్ ఆడియన్స్ మాత్రం రప్పించ‌లేక‌పోయింది. అల వైకుంఠ‌పుర‌ములో లాంటి సినిమా పోటీగా లేక‌పోతే.. ఈ చిత్రానికి మ‌రిన్ని వ‌సూళ్లు ద‌క్కేవే.