సూపర్ స్టార్ మహేష్ బాబు, కీర్తి సురేష్ జంటగా నటిస్తున్న ఫ్యామిలీ యాక్షన్ ఎంటర్టైనర్ “సర్కారు వారి పాట” . అభిమానులు ఈ సినిమా కోసం ఆతృతగా ఎదురు చూస్తున్నారు. ప్రేమికుల రోజున “సర్కారు వారి పాట” నుండి మొదటి సింగిల్‌ని విడుదల చేయాలని మేకర్స్ ఇప్పటికే నిర్ణయించుకున్న సంగతి తెలిసిందే. ఇపుడు ఈ సినిమా గురించి ఇంకో సర్ ప్రైజ్ బయటికి వచ్చింది. ఈ సినిమాలో హీరో సుధీర్ బాబు తనయుడు నటిస్తున్నాడు. చిన్నప్పటి మహేష్ బాబు లా కనిపిస్తున్నాడు. ఈ విషయాన్ని స్వయంగా సుధీర్ బాబు వెల్లడించారు. సుధీర్ బాబు ఇండస్ట్రీ కి వచ్చి పదేళ్ళు పూర్తయిన సందర్భంగా మీడియాతో మాట్లాడారు. ఈ సందర్భంగా సర్కారు వారి పాట ప్రస్తావన వచ్చింది.
మా ఇద్దురు అబ్బాయిలకి సినిమాలు అంటే చాలా ఇష్టం. నాకంటే ఎక్కువగా సినిమాలు చూస్తారు. ఇప్పుడు నటిస్తున్నారు కూడా. హర్ష డైరెక్షన్ లో వస్తున్న నా సినిమాలో నా చిన్నప్పటి పాత్ర పెద్దోడు(చరిత్) చేస్తున్నాడు. అలాగే మహేష్ సర్కారు వారి పాటలో చిన్నప్పటి మహేష్ గా చిన్నోడు ( దర్శన్ ) చేస్తున్నాడు'' అని చెప్పుకొచ్చాడు సుధీర్ బాబు. మొత్తానికి సూపర్ స్టార్ కృష్ణ ఫ్యామిలీ నేపధ్యంలో సర్కారు వారి పాట సినిమాలో మరో స్పెషల్ ఎట్రాక్షన్ చేరిపోయిందనే చెప్పాలి.
