టాలీవుడ్ లో మ‌రో రెండు సినిమాల మ‌ధ్య పోటీ మొద‌లైంది. స‌ర్కారువారి పాట, లైగర్ ... ఒకేసారి ఒకే రోజుల త‌ల‌ప‌డ‌నున్నాయి. అందుకు ఏప్రిల్ 1.... వేదిక కానుంది. మహేష్ బాబు క‌థానాయ‌కుడిగా న‌టిస్తున్న చిత్రం `స‌ర్కారు వారి పాట`. కీర్తి సురేష్ క‌థానాయిక. ప‌ర‌శురామ్ ద‌ర్శ‌క‌త్వం వ‌హిస్తున్నాడు. ఈ సినిమాని ఏప్రిల్ 1న విడుద‌ల చేయ‌డానికి చిత్ర‌బృందం స‌న్నాహాలు చేస్తున్న సంగ‌తి తెలిసిందే. ఇప్పుడు అదే డేట్ కి రావ‌డానికి `లైగర్` రెడీ అవుతోంద‌ట.
పూరి జ‌గ‌న్నాథ్ - విజ‌య్ దేవ‌ర‌కొండ కాంబినేష‌న్‌లో `లైగర్` రూపుదిద్దుకుంటున్న సంగ‌తి తెలిసిందే. బాక్సింగ్ నేప‌థ్యంలో సాగే క‌థ ఇది. విజ‌య్ న‌టిస్తున్న తొలి పాన్ ఇండియా సినిమా ఇదే కావ‌డంతో భారీ అంచ‌నాలు నెల‌కున్నాయి. ఈసినిమాని కూడా ఏప్రిల్ 1నే తీసుకురావాల‌ని ఫిక్స‌య్యార్ట. మహేష్ బాబుతో పోటీ ప‌డి సినిమా విడుద‌ల చేయ‌డం అంటే మాట‌లు కాదు. సినిమాపై ఎంతో గ‌ట్ ఫీలింగ్ ఉంటే త‌ప్ప.. ఈ రిస్క్ తీసుకోరు. పూరి.. అలాంటి రిస్కే చేస్తున్నాడు. ఇది పాన్ ఇండియా సినిమా. దేశ వ్యాప్తంగా అనుకూల‌మైన డేట్ చూసుకోవాలి. ఏప్రిల్ 1 ప‌ర్‌ఫెక్ట్ టైమ్ అని పూరి భావిస్తున్నాడ‌ట. అందుకే పోటీ ఉన్నా స‌రే, తన సినిమాని ఏప్రిల్ 1నే విడుద‌ల చేయాల‌ని డిసైడ్ అయ్యాడ‌ని టాక్‌.
