రికార్డులు కొట్ట‌డం మ‌హేష్‌బాబుకి కొత్తేం కాదు. త‌న‌కు అల‌వాటే. రొటీన్ వ్య‌వ‌హార‌మే. ఇది వ‌ర‌కు మహేష్ సినిమాలు రికార్డులు కురిపించేవి. ఇప్పుడు టీజ‌ర్లూ, ఫ‌స్ట్ లుక్కులకూ అది అల‌వాటైపోయింది. కృష్ణ పుట్టిన రోజు సంద‌ర్భంగా ఆదివారం మహేష్ సినిమా ఫ‌స్ట్ లుక్ పోస్ట‌ర్‌, టైటిల్ విడుద‌ల‌య్యాయి. మహేష్ బాబు - ప‌ర‌శురామ్ సినిమాల‌కు `స‌ర్కారు వారి పాట` టైటిల్ పెట్టారు.
ఇందులో మహేష్ లుక్ మాసీగా ఉండి, ఫ్యాన్స్‌కి బాగా న‌చ్చింది. ఇప్పుడు ఆ పోస్ట‌రే రికార్డుల వేట మొద‌లెట్టింది. సోష‌ల్ మీడియాలో `స‌ర్కారు వారి పాట` రికార్డుల మోత మోగించింది. ఎక్కువ రీట్వీట్లు సొంతం చేసుకున్న ప్రీ లుక్ పోస్ట‌ర్‌గా ఖ్యాతి గ‌డించింది. లైకులు, టైటిల్ ట్యాగుల రికార్డుల‌న్ని కూడా బ‌ద్ద‌లు కొట్టింది. ఒక్క పోస్ట‌రే ఇంత హంగామా సృష్టించిందంటే, ఇక సినిమా ఎలా ఉంటుందో? ఇంకెన్ని రికార్డులు బ‌ద్ద‌లు కొడుతుందో?
