ఈ యేడాది చిరంజీవి రెండు రీమేక్ సినిమాల్ని ప‌ట్టాలెక్కించ‌బోతున్నారు. అందులో లూసీఫ‌ర్ ఒక‌టి. ఎడిట‌ర్ మోహ‌న్ కుమారుడు మోహ‌న్ రాజా ఈ చిత్రానికి ద‌ర్శ‌కుడు. త్వ‌ర‌లోనే ఈ సినిమాకి క్లాప్ కొట్టేస్తారు. ఈ చిత్రంలో కీల‌క‌మైన పాత్ర‌లో న‌య‌న‌తార క‌నిపించ‌బోతున్న‌ట్టు టాక్‌. ప్ర‌స్తుతం న‌య‌న్ తో సంప్ర‌దింపులు జ‌రుపుతున్నారు. మ‌రో పాత్ర కోసం స‌త్య‌దేవ్ ని ఎంచుకున్న‌ట్టు తెలుస్తోంది.
`బ్ల‌ఫ్ మాస్ట‌ర్‌` సినిమా చూశాక.. చిరు స‌త్య‌దేవ్ ని పిలిపించి మ‌రీ అభినందించారు. స‌త్య‌దేవ్ కూడా చిరంజీవికి వీరాభిమాని. చిరంజీవి సినిమాలో ఏ పాత్ర ఇచ్చినా న‌టించ‌డానికి సిద్ధ‌మే అని స‌త్య‌దేవ్ ప్ర‌క‌టించాడు. సో.... స‌త్య‌దేవ్ పాత్ర దాదాపు ఖాయం. న‌య‌న తార‌తో సంప్ర‌దింపులు జ‌రుపుతున్నారు. వారం రోజుల్లో న‌య‌న ఎంట్రీపై ఓ అధికారిక ప్ర‌క‌ట‌న రావొచ్చు. `సైరా`లో న‌య‌న క‌థానాయిక‌గా న‌టించిన సంగ‌తి తెలిసిందే. ఇప్పుడు చిరుతో మ‌రోసారి క‌నిపించ‌బోతోంద‌న్న‌మాట.
